સુરતને મળ્યો અનોખો ડાયમંડ.. દક્ષેશ માવાણી

દક્ષેશ માવાણી: જમીન સાથે જોડાયેલા રહીને જ જીવવામાં મજા છે.

- 

સાહેબ આવે છે..

સુરત મહાપાલિકાની મેયર કચેરીના દરવાજા પાસે એક સિક્યોરિટી સ્ટાફે આમ કહીને બીજા કર્મચારીઓને એલર્ટ કર્યા. સૂટ-બૂટમાં સજ્જ, ક્લીન શેવ અને ચહેરા પર મધુર સ્મિત લઈને દક્ષેશ માવાણી એમની ઑફિસમાં પ્રવેશે એ પહેલાં સિક્યોરિટી સ્ટાફે સાવધાન પોઝિશનમાં સલામ કરીને એમને આવકાર્યા ને મેયરે પણ નતમસ્તક હૃદય પર જમણો હાથ રાખી અભિવાદન ઝીલી લીધું. આ સરળતા અને સહજતા સુરતના નવા મેયરની.