આવા સંગઠનનો અર્થ શું?

બીજું વિશ્વયુદ્ધ પૂરું થવા સાથે યુરોપિયન દેશોના સામ્રાજ્યવાદનો પણ અંત આવ્યો અને અનેક નવાં રાષ્ટ્રોએ જન્મ લીધો. ‘યુનો’ એટલે કે સંયુક્ત રાષ્ટ્રસંઘે આંતરરાષ્ટ્રીય સ્તરે આ દેશોનો અવાજ બનવાનું હતું અને એમનાં હિતનું રખોપું કરવાનું હતું. એને બદલે આ સંઘ તો બળૂકા દેશોનું વાજું બનીને રહી ગયો છે.

- હીરેન મહેતા

અમેરિકા સહિતના દેશોના આગેવાનોને નરેન્દ્ર મોદીનો ટોણો: આતંકવાદની વ્યાખ્યા તો ઠેરવો!

સત્તામાં બીજાને ભાગ આપવાનું કોઈને ગમતું ૨૦૦ દેશનું પ્રતિનિધિત્વ કરતા કોઈ સંગઠનની. પરિવારોમાં સાસુ-વહુના કજિયાના મૂળમાં પણ વિવાદ ઘણુંખરું તો અધિકારને મુદ્દે જ હોય છે.

અત્યારે અહીં વાત સંયુક્ત રાષ્ટ્રસંઘ (યુનો)ની સલામતી સમિતિને લગતી છે. આશરે ૭૮ વર્ષ પહેલાં યુનોની સ્થાપના થઈ ત્યારે પાંચ સ્થાપક સભ્યો ઉપરાંત ૪૦ રાષ્ટ્રો એના સભ્ય હતાં. એ પછીના બેથી અઢી દાયકામાં ઈંગ્લૅન્ડ, ફ્રાન્સ, જર્મની, સ્પેન, હોલૅન્ડ જેવા યરોપિયન દેશોની ગુલામીમાંથી મુક્ત થયેલાં ૮૦થી વધુ રાષ્ટ્રો યુનોમાં જોડાયાં અને અત્યારે તો એની સભ્યસંખ્યા ૧૯૦ની ઉપર પહોંચી છે. તેમ છતાં એના ઢાંચામાં ખાસ કોઈ ફેરફાર થયો નથી, કહો કે ફેરફાર કરવામાં આવ્યો નથી. યુનોની સલામતી સમિતિને આ સંગઠનનું સૌથી બળૂકું અંગ ગણી શકાય, પણ યુનોના પાંચ કાયમી મેમ્બર તરીકે અમેરિકા, બ્રિટન, ફ્રાન્સ, સોવિયેત રશિયા અને ચીન એ પાંચ દેશ જ સ્થાપના સમયથી સલામતી સમિતિમાં અડિંગો જમાવીને બેસેલા છે.