રિલીઝના મેદાનમાં તારીખની ધક્કામુક્કી

‘જવાન’ -‘મૈદાન’ અને ‘ઍનિમલ’ -‘ગદર-ટુ’ ટકરાશે તો પાટાપિંડી કોને કરવી પડશે?

- 

ભઈ, એક સમય હતો, જ્યારે ફિલ્મની પબ્લિસિટી સીધેસીધા તરીકાથી થતી. સ્ટારલોગના ઈન્ટરવ્યૂ થતાઃ ‘મેરી કરિયર કા યે સબસે ચૅલેન્જિંગ રોલ હૈ..’ ડિરેક્ટર કહેતાઃ ‘વૈસે તો યે ઍક્શન ફિલ્મ હૈ લેકિન ઐસી ઍક્શન આપને હિંદી ફિલ્મ મેં પેહલે કભી નહી દેખી હોગી..’ વગેરાહ વગૈરાહ. આજકાલ પબ્લિસિટી થાય છે, પણ જરા જુદી રીતેઃ આગામી ફિલ્મનું ટ્રેલર લીક થઈ ગયું (કોણે કર્યું એ તો તમને ખબર જ હશે), ફિલ્મની વાર્તાને કારણે વિવાદ, ફિલ્મ પર બૅનની માગ, વગેરે. આમાં હવે ઉમેરાય છે ફિલ્મની રિલીઝ ડેટ. ફલાણી ફિલ્મની રિલીઝ ડેટ પાછળ ધકેલાઈ, ફલાણી ફિલ્મની ઢીંકણી ફિલ્મ સાથે ટક્કર, વગેરે.