આવો, રંગોની દુનિયામાં!

રિનોવેશન અને કલરકામ કરાવ્યા પછી આવું પણ થઈ શકે..

- વિશ્વા મોડાસિયા

વધેલા રંગથી ફ્રેમ બનાવી દીવાલ સજાવો, ઘરની ચીજોને નવો કલર-કોટ આપો કે ટાયરનો આ રીતે ઉપયોગ કરો.

ઘરમાં રિનોવેશન અને કલર કામ કરાવ્યા બાદ થોડા ભરેલા કે ક્યારેક તો અડધોઅડધ કલરના ડબ્બા બચી જાય છે. પડ્યા પડ્યા રંગ સુકાઈ જાય ત્યારે લોકો એ કચરામાં ફેંકી દે અથવા તો કામ પૂરું થાય ત્યારે જ રિનોવેશનનો કૉન્ટ્રાક્ટ આપ્યો હોય એને એ ડબ્બા આપી દે, પરંતુ આ વધેલા કલરનો બખૂબી ઉપયોગ કરીને ઘરની સજાવટમાં નોખો લુક આપી શકાય છે.

ઘર સજા કે દેખો..ની આગલી કૉલમમાં આપણે ઘરમાં નકામી પડી રહેલી સામગ્રીથી ગૃહસજાવટ માટે ઉપયોગમાં લઈ શકાય એવી અમુક ચીજવસ્તુ વિશે વાત કરી હતી. આજે વાત કરીએ, વધારાના કલરથી આપણે નવેસરથી ઘરને કઈ રીતે સજાવી શકીએ એની. એમાંય જ પરિવારો ઘરના જુદા જુદા રૂમમાં અલગ અલગ કલર કરાવે એ તો મિક્સ ઍન્ડ મૅચના ઘણા વિકલ્પ અપનાવી શકે.