આપણે પણ સાચવવા જેવું ખરું..

વધુ એક ભૂકંપ.. વધુ એક સંકેત.

- 

કુદરતી આફત દરેક વખતે આગોતરી ચિઠ્ઠી મોકલીને આવતી નથી. હા, અમુક વખતે સંકેત જરૂર આપે છે, પણ ઘણાખરા કિસ્સામાં એ આપણા ધ્યાનબહાર રહી જાય છે અથવા તો આપણે સ્વભાવગત એની ઉપેક્ષા કરીએ છીએ.

મહારાષ્ટ્રના લાતુર (૧૯૯૩) અને કચ્છ-ગુજરાત (૨૦૦૧)ના વિનાશક ભૂકંપની આગળ-પાછળનાં વર્ષોમાં આપણે જમ્મુ-કશ્મીર તથા ઉત્તર કાશીમાં આવી દુર્ઘટના જોઈ છે. પૂર આપણે લગભગ દર વર્ષે દેશના કોઈ ને કોઈ ખૂણે જોઈએ છીએ. લડાખ, કેરળ, મહારાષ્ટ્ર અને હમણાં ઉત્તરાખંડમાં ભૂસ્ખલનના પણ દાખલા આપણી સામે છે. આ બધી હોનારત કુદરતી હોવા છતાં એમાં જે જાનહાનિ થાય છે એ પાછળ ઘણો વાંક આપણો હોય છે. કુદરત ઉપરાંત આ ક્ષેત્રના નિષ્ણાતો દ્વારા આપવામાં આવતી ચેતવણીને આપણે ઘોળીને પી જઈએ છીએ, એનું પરિણામ આપણે ક્યારેક ને ક્યારેક તો ભોગવવું જ પડે છે.