જૂના લૂકને નવી રીતે જીવંત કરતી POHI ફેશન

અત્યાર સુધીમાં અમે કસ્ટમરની માંગ પ્રમાણે અને પ્રસંગ અનુરૂપ ટ્રેડિશનલ, વેસ્ટર્ન, કેજ્યુઅલ, સિઝન વેર જેવા ઘણા આઉટફિટ તૈયાર કરી આપ્યા છે, પરંતુ હવે ફૅશન જગતનો ટ્રેન્ડ બદલાયો છે.

સપના વ્યાસ

ક્રેઝી લોકો સમયની સાથે ફેશનમાં અવનવા બદલાવ માંગતા હોય છે. આથી જ ફેશનમાં વખતો વખત જૂની ફેશન નવા રંગરૂપ સાથે પાછી આવતી દેખાતી હોય છે જૂની ડિઝાઇન, પેટર્ન, કલર અને વર્કનું કોમ્બિનેશન જાણે કે એક નવી જ ફેશનને જન્મ આપી દે છે. હાલ માર્કેટમાં આ પ્રકારના વિન્ટેજ વેરની બોલબાલા વધી રહી છે ત્યારે શહેરના જાણીતા ડિઝાઇનર સ્ટુડિયોમાંથી POHI ફેશન પણ પોતાના વિન્ટેજ કલેક્શન માટે જાણીતી બની છે. જ્યાં ફેશન રસિકો માટે પોતાની માંગ પ્રમાણે વિન્ટેજ ટચ સાથે અવનવા ડિઝાઇનર આઉટફ્ટિ તૈયાર થઈ રહ્યાં છે.