ബിറ്റ്കോയിന്റെ ഭാവി എന്ത്?

ഗവൺമെന്റ് നിയന്ത്രിത സാമ്പത്തികവ്യവസ്ഥയ്ക്ക് അതീതമാണ് ബിറ്റ്കോയിന്റെ നിലനിൽപ്. കൂടുതൽ ആളുകളിലേക്കു ബിറ്റ്കോയിൻ എത്തുന്നതിലൂടെ അതിന്റെ മൂല്യം വർധിക്കുകയും കൂടുതൽ സുരക്ഷിതമാവുകയും ചെയ്യും.

- സഖിൽ സുരേഷ് സ്ഥാപകൻ, ബിറ്റ് സേവ് (ക്രിപ്റ്റോ നിക്ഷേപ സ്ഥാപനം

ബിറ്റ്കോയിൻ മൂല്യം വരുംവർഷങ്ങളിൽ ശക്തമായി ഉയരുമെന്നാണ് വിദഗ്ധരുടെ പ്രവചനങ്ങൾ. 2025 സെപ്റ്റംബറിലെ ഡേറ്റ അനുസരിച്ച്, ബിറ്റ്കോയിന്റെ വില 2025ൽ 20 ശതമാനത്തിലധികം വർധിച്ചെങ്കിലും, ഈ വർഷം ശേഷിക്കുന്ന മാസങ്ങളിലെ ട്രെൻഡ് ന്യൂട്രലാണ്.

എന്നാൽ അമേരിക്കയിലെ പണനയങ്ങൾ, കൂടിവരുന്ന സ്ഥാപന നിക്ഷേപകർ, ആഗോള സാമ്പത്തിക ഘട കങ്ങൾ എന്നിവയുടെ സ്വാധീനത്താൽ വരുംവർഷങ്ങളിൽ ബിറ്റ്കോയിൻ വില പുതിയ ഉയരങ്ങൾ കീഴടക്കുമെന്നാണു പ്രതീക്ഷ. ലേഖനത്തിൽ ബിറ്റ്കോയിന്റെ ഹ്രസ്വകാല, മധ്യകാല (അടുത്ത 1-2 വർഷങ്ങൾ), ദീർഘകാല (5+ വർഷങ്ങൾ) സാധ്യതകളെക്കുറിച്ചാണ് ചർച്ചചെയ്യുന്നത്.

ഹ്രസ്വകാല പ്രകടനം: പണനയ സ്വാധീനം

2025ൽ ശേഷിക്കുന്ന മാസങ്ങളിൽ, ബിറ്റ്കോയിന്റെ വിലയെ ഏറ്റവും കൂടുതൽ സ്വാധീനിക്കുന്നത് അമേരിക്കൻ കേന്ദ്ര ബാങ്കിന്റെ (യുഎസ് ഫെഡറൽ റിസർവ്) സാമ്പത്തിക നയങ്ങളാണ്. പ്രത്യേകിച്ച് പലി ശനിരക്ക് കുറയ്ക്കലുകൾ. 2025 സെപ്റ്റംബർ 17ന് ഫെഡറൽ റിസർവ് നിരക്ക് 25 ബേസിസ് പോയിന്റ് (0.25%) കുറച്ചത് ഏറെ പ്രതീക്ഷയോടെയാണ് ക്രിപ്റ്റോ നിക്ഷേപകർ കണ്ടത്. ഈ വർഷം ആദ്യമായാണ് ഫെഡ് നിരക്ക് കുറയ്ക്കുന്നത്. പലിശ കുറയുന്നത് ബോണ്ട് യീൽഡുകളെ താഴ്ത്തുകയും റിസ്ക് ഓൺ ആസ്തികളിലുള്ള നിക്ഷേപകരുടെ താൽപര്യം ഉയർത്തുകയും ചെയ്യും.

ഈ വർഷം തന്നെ വീണ്ടും പലിശനിരക്ക് കുറയ്ക്കാനുള്ള സാധ്യതകൾ നിലനിൽക്കേ, വർഷാവസാന ത്തിൽ ബിറ്റ്കോയിന്റെ വില ഉയർന്നേക്കാം. ഈ വർഷം ബിറ്റ്കോയിൻ പോസിറ്റീവ് മൊമന്റം നിലനിർത്തുമെന്നു പ്രതീക്ഷിക്കാം.

മധ്യകാല പ്രകടനവും 4 വർഷ സൈക്കിളിലെ മാറ്റങ്ങളും