തുടക്കം തുരുമ്പിച്ച 4 മെഷീനിൽ ഇന്ന് 55 പേർക്കു തൊഴിൽ മാസം 25 ലക്ഷംവരെ വിറ്റുവരവ്

ഗുണനിലവാരം ഉറപ്പാക്കി ബ്രേസിയർ വിപണിയിൽ ഭീമന്മാരായ ബ്രാന്റഡ് / മൾട്ടിനാഷനൽ കമ്പനികൾക്കിടയിൽ പിടിച്ചുനിൽക്കാനായതോടെ വെഡിങ് ഗൗൺ, പാർട്ടിവെയറുകളുടെ നിർമാണത്തിലേക്കു കടക്കുകയാണ് വീണ വേണുഗോപാൽ.

- ടി.എസ്.ചന്ദ്രൻ മുൻ ഡെപ്യൂട്ടി ഡയറക്ടർ, സംസ്ഥാന വ്യവസായ-വാണിജ്യവകുപ്പ്

ഭർത്താവിന്റെ സ്വയംതൊഴിൽ സംരംഭം 55 പേർക്കു തൊഴിൽ നൽകുന്ന സ്ഥാപനമായി വളർത്തിയെടുത്ത കഥയാണ് വീണ വേണുഗോപാലിനു പറയാനുള്ളത്. പാലക്കാട് ഷൊർണുരിനടുത്ത് ആറാണിയിലാണ് അമൃത ഗാർമെന്റ് ആൻഡ് ഡിസൈനിങ് പ്രവർത്തിക്കുന്നത്.

എന്താണ് ബിസിനസ്?

സ്ത്രീകളുടെ അടിവസ്ത്രമായ ബ്രെസിയേഴ്സിന്റെ നിർമാണവും വിൽപനയുമാണു ചെയ്യുന്നത്. ഭർത്താവ് വേണുഗോപാലിന്റെ ചെറിയ തയ്യൽ യൂണിറ്റ് വിപുലീകരിച്ചു കൊണ്ടുള്ള മുന്നേറ്റത്തിനിടയിൽ ഒട്ടേറെ പ്രതിസന്ധികളെ ഇവർക്ക് അതിജീവിക്കേണ്ടിവന്നു. 2007ൽ ബസിയേഴ്സ് നിർമാണത്തിലേക്കു കടന്ന സംരംഭം "ലേഡി ഫോം' എന്ന ബ്രാൻഡിലാണു വിൽപന.

തുരുമ്പിച്ച തയ്യൽമെഷീനിൽ തുടക്കം വേണുഗോപാലിന്റെ യൂണിറ്റിൽ ആകെയുണ്ടായിരുന്ന തുരുമ്പെടുത്ത നാലു തയ്യൽ മെഷീനുകളിൽ നിന്നാണ് വീണയുടെ സ്വപ്നങ്ങൾക്കു തുടക്കം. വസ്ത്രങ്ങൾ തുന്നിക്കൊടുത്താൽ കാര്യമായ ഗുണം കിട്ടില്ല എന്നു തിരിച്ചറിഞ്ഞ വീണയുടെ ലക്ഷ്യം സ്വന്തമായി ഒരു ബ്രാന്റഡ് ഉൽപന്നം വിപണിയിലെത്തിക്കുക എന്നതായിരുന്നു. ഉണ്ടായിരുന്ന മെഷീനുകളുമായി യൂണിറ്റു തുടങ്ങി. ഉൽപന്നത്തിന്റെ മേന്മ കൊണ്ടും ഭാഗ്യം കൊണ്ടും ശോഭിക്കാനായെന്നു വീണ പറയുന്നു. അതോടെ കൂടുതൽ തുക ചെലവഴിച്ചു സ്ഥാപനം വിപുലീകരിച്ചു.

സ്വന്തം യൂണിഫോം തുന്നിയ പരിചയം

സ്കൂൾ വിദ്യാർഥിയായിരിക്കുമ്പോൾ യൂണിഫോം സ്വയം തുന്നിയിരുന്ന വീണയ്ക്ക് അന്നുമുതലേ ഈ മേഖലയോടു വൈകാരികമായ താൽപര്യമുണ്ടായിരുന്നു. സ്റ്റിച്ചിങ്ങിന്റെ സാധ്യതകളും മേന്മകളും നൈപുണ്യവും ഒത്തുചേർന്നപ്പോൾ മത്സരത്തെ അതിജീവിക്കാൻ കഴിയുന്ന ഗാർമെന്റ് സംരംഭത്തെ വളർത്തിയെടുക്കുവാനും കഴിഞ്ഞു.

55 പേർക്കു തൊഴിൽ