പെർഫോമൻസിനൊപ്പം നോക്കണം ക്രെഡിബിലിറ്റിയും

കഴിഞ്ഞകാലനേട്ടം നോക്കി നിക്ഷേപിക്കുന്നത് ശരിയല്ല എന്നു പറയുന്നത് എന്തുകൊണ്ടാണ്?

- 

കഴിഞ്ഞകാലനേട്ടം നോക്കി നിക്ഷേപിക്കുന്നത് ശരിയല്ല എന്നു പറയുന്നത് എന്തുകൊണ്ടാണ്? കഴിഞ്ഞകാല പ്രകടനം നോക്കിയാണ് ഭൂരിഭാഗവും മ്യൂച്വൽ ഫണ്ട് വാങ്ങുക. അയൽക്കാരൻ, സുഹൃത്ത്, ബന്ധുക്കൾ എല്ലാവരും വാങ്ങി നേട്ടം ഉണ്ടാക്കിക്കഴിയുമ്പോൾ അതുകണ്ട് നിങ്ങൾ വാങ്ങും. അപ്പോഴേക്കും വിപണി വളരെ ഉയർന്നിരിക്കും, വില കൂടുതലായിരിക്കും. അതായത്, വളരെ എക്സ്പെൻസീവായ മാർക്കറ്റിലാകും നിങ്ങൾ നിക്ഷേപിക്കുക. അതാണു പ്രശ്നം. ഉയർന്ന വിലയിൽ വാങ്ങിയാൽ തുടർന്നു മികച്ച നേട്ടം കിട്ടാനുള്ള സാധ്യത കുറയും.

മുൻകാല നേട്ടം നോക്കരുത് എന്നാണോ?

അല്ല. പകരം അത് ഫണ്ട് തിരഞ്ഞെടുക്കാനുള്ള ഒരു സൂചിക മാത്രമായി എടുക്കുക. കഴിഞ്ഞ കാലത്ത് നല്ല നേട്ടം നൽകിയെങ്കിൽ അതു വിശ്വാസ്യതയുടെ ഒരു സൂചികയാണ്. കഴിഞ്ഞ 5 വർഷം നല്ല നേട്ടം നൽകിയാൽ ആ ബാൻഡിനെ കൂടുതൽ വിശ്വസിക്കാം. മുൻകാല പ്രകടനം പ്രധാനമാണ്. പക്ഷേ, അതു ദീർഘകാല പ്രകടനം ആകണം.

നിർഭാഗ്യവശാൽ മിക്കവരും ഹ്രസ്വകാല നേട്ടം കണ്ട് നിക്ഷേപിക്കും. അതു തെറ്റാണ്. ഒന്നോ രണ്ടോ വർഷത്തെ പ്രകടനം നോക്കരുത്. തീർച്ചയായും അഞ്ചോ അതിലധികമോ വർഷത്തെ പെർഫോമൻസ് നോക്കുക. അത്രയും കാലം ഫണ്ട് മാനേജർ നന്നായി ആ ഫണ്ട് കൈകാര്യം ചെയ്തുവെന്നതിനാൽ നമുക്കു വിശ്വസിക്കാം,

വിശ്വാസ്യതയാണ് കൂടുതൽ പ്രധാനം എന്നാണോ?

നിങ്ങൾ അധ്വാനിച്ചുണ്ടാക്കുന്ന പണം ഏൽപിക്കുമ്പോൾ അവർ ഏറ്റവും വിശ്വസ്തരാണ് എന്നുറപ്പാക്കണം. മൂന്നു കാര്യങ്ങളാണ് ഇവിടെ പ്രധാനം എന്നു ഞാൻ പറയും. ഒന്ന്, വിശ്വാസ്യത, രണ്ട് വിശ്വാസ്യത, മൂന്ന് വിശ്വാസ്യത ദീർഘകാലത്തിൽ വിശ്വാസ്യത ഉറപ്പാക്കുന്നവരുമായി കാരണം, ചേർന്നു വേണം നിക്ഷേപിക്കാൻ ഓഹരിയിലും ഇക്വിറ്റി ഫണ്ടിലും 5 മുതൽ 7 വർഷം തുടർന്നാലേ നല്ല നേട്ടം ഉറപ്പാക്കാനാകൂ. ലോങ് ടേം ട്രാക് റെക്കോർഡ് ആണ് പ്രധാനം. ഷോർട് ടേം ട്രാക് റെക്കോർഡ് നോക്കരുത്. ഫണ്ട് പെർഫോമൻസ് പ്രധാനമാണ്. അതിനപ്പുറം അവരുടെ ക്രെഡിബിലിറ്റിക്ക് മുൻതൂക്കം നൽകണം.

Start with EMI VS Start with SIP