പഴയ ഓട് എപ്പോഴും ലാഭമല്ല

ഓട് പുനരുപയോഗിക്കുന്നതുകൊണ്ട് വളരെയേറെ ഗുണങ്ങളുണ്ട്. എന്നാൽ നോക്കിയും കണ്ടുമല്ലെങ്കിൽ അത് നഷ്ടത്തിൽ കലാശിക്കാം

പഴയ ഓട് വാങ്ങി ഉപയോഗി ക്കുന്നത് ഇപ്പോൾ മിക്കവരും ചെയ്യുന്ന കാര്യമാണ്. പഴയ ഓട് ഉപയോഗിക്കുമ്പോഴുണ്ടാകുന്ന സാ മ്പത്തിക ലാഭത്തിലാണ് മിക്കവരുടെയും കണ്ണ്. എന്നാൽ ഒന്നും നോക്കാതെ പോയി വാങ്ങാവുന്ന ഒന്നല്ല പഴയ ഓട്. അങ്ങനെ വാങ്ങിയാൽ സാമ്പത്തികലാഭമാവുകയുമില്ല. പകരം പിന്നീട് നഷ്ടത്തിൽ കലാശിക്കാനും സാധ്യതയുണ്ട്.

കൂടുതൽ വൃത്തിയാക്കേണ്ട

പഴയ ഓട് വാങ്ങി വൃത്തിയാക്കുന്നിടത്താണ് പലർക്കും അബദ്ധം പറ്റുന്നത്. ഓട് വാങ്ങി കൂലിക്ക് ആളെ വച്ച് പായൽ മുഴുവൻ ഉരച്ചു കഴുകി വൃത്തിയാക്കുമ്പോൾ ചെലവ് കൂടും. മാത്രമല്ല, പായൽ പൂർണമായി കളയാൻ ശക്തിയായി ഉരച്ചാൽ ഓടിന്റെ മുകൾ ഭാഗത്തെ കോട്ടിങ് പോയി വെള്ളം കിനിഞ്ഞിറങ്ങാനുള്ള സാധ്യതയുമുണ്ട്. വെള്ളം ഒലിച്ചുപോകുന്ന പാത്തികളിൽ മണ്ണും പായലും ഉണ്ടെങ്കിൽ അത് ഒഴിവാക്കണം എന്നുമാത്രം.