കരാറിൽ വേണ്ടതെല്ലാം

കെട്ടിടം പണിയാനുള്ള കരാറിൽ നിർമാണവുമായി ബന്ധപ്പെട്ട എന്തെല്ലാം കാര്യങ്ങൾ ഉൾപ്പെടുത്താം

- 

വീടുപണി ഏതെങ്കിലും തരത്തിൽ കോൺട്രാക്റ്ററെ ഏൽപ്പിക്കുന്നവരാണ് മിക്കവരും. വീടുപണിയുടെ ഓരോ ഘട്ടത്തിലേക്കും പ്രത്യേകം പണിക്കാരെ ഏർപ്പാടാക്കി, സാധനങ്ങളെല്ലാം സമയാ സമയങ്ങളിൽ വാങ്ങിക്കൊടുത്ത് വീട് പണിയിക്കാൻ ആർക്കും സമയമില്ല എന്നതുതന്നെ കാരണം. അതുകൊണ്ടുതന്നെ സമയവും സാഹചര്യങ്ങളും അനുസരിച്ച് ഏതുതരം കോൺട്രാക്റ്റ് വേണമെന്ന് വീട്ടുകാർക്ക് തീരുമാനിക്കാം.

ഫുൾ കോൺട്രാക്റ്റ് ആണെങ്കിലും ലേബർ കോൺട്രാക്റ്റ് എടുത്താലും സൗകര്യങ്ങൾ കണക്കിലെടുത്ത് ചില വിട്ടുവീഴ്ചകൾക്ക് ഇരു കൂട്ടരും സമ്മതിക്കാറുണ്ട്. ഫുൾ കോൺട്രാക്റ്റ് കൊടുക്കുകയാണെങ്കിലും വീട്ടുകാരുടെ കയ്യിൽ തടിയുണ്ടെങ്കിൽ അതിന്റെ ചെലവ് കരാറുകാർ ഒഴിവാക്കുന്നത് ഉദാഹരണം.

കരാറിൽ പറഞ്ഞതിൽ കൂടുതൽ പണം പിന്നീട് ആവശ്യപ്പെടുന്ന കോൺട്രാക്റ്റർമാരും പണം പൂർണമായി കൊടുക്കാതെ പണി കഴിഞ്ഞാൽ കൈമലർത്തുന്ന വീട്ടുകാരും ഉള്ളതിനാൽ പണി ഏൽപ്പിക്കും മുൻപ് കൃത്യമായി കരാർ എഴുതി നിയമാനുസൃതമാക്കേണ്ടത് ഇരു കൂട്ടർക്കും ഒരുപോലെ ആവശ്യമാണ്. കരാർ എഴുതുമ്പോൾ ഓരോ ഘട്ടത്തിലെ പണിയുടെയും ഉപയോഗിക്കുന്ന കമ്പനിയുടെയും വിശദാംശങ്ങളും പ്രതിപാദിക്കുന്നുണ്ടെന്ന് ഉറപ്പാ ക്കണം. ചതുരശ്രയടിക്ക് ഇത്ര രൂപ എന്നതിനും കണക്കു വേണം.

അടിത്തറ

വീടുപണിയാൻ സാഹചര്യമൊരുക്കുന്ന രീതിയിൽ ഭൂമി നിരപ്പാക്കൽ

 ഭൂമിയുടെ ഉറപ്പനുസരിച്ച് അടിത്തറയുടെ നിർമാണം (ആവശ്യമെങ്കിൽ പൈലിങ് ചെയ്ത് കോളം-ബീം ഫൗണ്ടേഷൻ)

 വാനം വെട്ടി പിസിസി (ആവശ്യമെങ്കിൽ) ചെയ്ത് കരിങ്കല്ല് അല്ലെങ്കിൽ വെട്ടുകല്ല് നിറച്ചു കെട്ടിയ അടിത്തറയുടെ വിശദാംശങ്ങൾ അടിത്തറയിൽ കല്ലു കെട്ടാനുള്ള സിമന്റ്, മണൽ അനുപാതം കൃത്യമായി പ്രതിപാദിക്കണം

 അടിത്തറയുടെ മുകളിൽ വാർക്കാനുള്ള സിമന്റ്, കമ്പി, മണൽ എന്നിവയുടെ അനുപാതം തറ പണിക്ക് മണലാണോ പാറമണലാണോ പാറപ്പൊടിയാണോ ഉപയോഗിക്കുന്നത് എന്ന് വ്യക്തമാക്കണം തറ ആരു നനയ്ക്കണം, എത്ര തവണ നനയ്ക്കണം തുടങ്ങിയതിന്റെ വിശദാംശങ്ങൾ തറ നിറയ്ക്കാനുള്ള മണ്ണ് ഇറക്കൽ ആരുടെ ഉത്തരവാദിത്തം എന്നതിൽ വ്യക്തത വേണം

 തറയിലെ പെസ്റ്റ് കൺട്രോൾ കോൺട്രാക്റ്റർ ചെയ്യുമോ എന്നതിൽ വ്യക്തത. ചെയ്യുന്നുണ്ടെങ്കിൽ വിശദാംശങ്ങൾ നൽകണം