நேற்று பாம்பே ஜெயஸ்ரீ மகன்...இன்று இசையமைப்பாளர்!

தமிழில் 'கனவெல்லாம் நிஜமாக ஒரு நாளு ஆகும்.

- ஷாலினி நியூட்டன் ஆ.வின்சென்ட் பால்

..' (3BHK)... மலையாளத்தில் 'ஞாபகம் மோதுதே மனம் ஏங்குதே...' (வருஷங்களுக்கு சேஷம்) என இரு பாடல்களும் இருவேறு உணர்வுகளை மிக அற்புதமாகக் கடத்தும். இரண்டும் இசை அம்ரித் ராம்நாத்.

அம்ரித் ராம்நாத்?

தன் பின்னணி அடையாளம் தெரியும் முன்னே, தன் திறமையை அடையாளப் படுத்தியவர்.

ஆம். இவர் குடும்பப் பின்னணி பெரியது. இந்தியாவுக்கே நான்கு தலைமுறைகளாக அறிமுகமான ஃபேமிலி. பாடகர், இசையமைப்பாளர், ஆஸ்கர் புகழ் பாம்பே ஜெஸ்ரீயின் மகன்!

மட்டுமல்ல, கர்நாடக சங்கீதக் குடும்பத்திலிருந்து நான் காம் தலைமுறையாக இசைத் துறைக்குள் வலது காலை எடுத்துவைத்து நுழைந்திருக்கிறார் அம்ரித் ராம்நாத்.

உங்களைப் பொறுத்தவரை இசை தாய்மொழி... அதைத் தாண்டி என்ன திட்டம் வைத்திருந்தீர்கள்?

உண்மை. எங்க குடும்பத்துக்கே முதல் மொழி இசைதான். ஆனால், அதைத் தாண்டி சாப்பாடு எனக்கு ரொம்ப பிடிக்கும். நிச்சயமா இசைத்துறை இல்லைன்னா உணவுத்துறைலதான் நுழைந்திருப்பேன்!

நகைச்சுவைக்காக சொல்லலை. செஃப் ஆகணும் அப்படின்னு அதற்கான சிறப்பு கோர்ஸ் கூட படிச்சேன். ஆனால், 24/7 வீட்டில் இசைதான். மூணு வயசுல இருந்து இசைப் பயிற்சி எடுத்துக்கறேன். ஆனால், இசை மேலே ஆர்வம் என்னுடைய எட்டு வயதில்தான் வந்தது.

அதேபோல் வீட்டிலும் மியூசிக்தான் என்னுடைய கரியரா இருக்கணும் அப்படின்னு எந்த அழுத்தமும் தரலை. யாரும் 'நீயும் மியூசிக்கில்தான் பெரிதா வரணும்' அப்படின்னு எந்தப் பொறுப்பையும் சுமத்தலை.

ஆனால், நம்மைச் சுற்றி இருக்கிற வாழ்வியல் மியூசிக்கா மட்டுமே இருக்கும்போது... நமக்கு அதைவிட பெரிய சாய்ஸ் எதுவும் கண்முன் நிக்காதே!

ஒரு கட்டத்தில் இதுதான் நான் அப்படின்னு முடிவு செய்தேன். நீங்கள் சொன்ன மாதிரி உண்மையாகவே என்னுடைய தாய் மொழி எதுன்னு எனக்கு தெரியாது. ஏன்னா வீட்டில் பல மொழி பேசுவாங்க. அதனால் எங்களுக்கான பொதுவான மொழி... முதல் மொழி... மியூசிக்தான்.

அம்மா பாம்பே ஜெயஸ்ரீயிடம் இருந்து கற்றுக் கொண்ட பாடம் என்ன?