ஒரு அசாதாரண சுவை உணவு

“ஹோலி ரே ஹோலி.. ஹோலி ஆயி ரே!” சேத்தனின் பாட்டி வீட்டு முற்றத்தில் மகிழ்ச்சியான குரல்கள் எதிரொலித்தன.

- ஷிகா கோலா பிரஜாபதி

குழந்தைகள் சுற்றிச் சுற்றி ஓடி, ஒருவருக்கொருவர் வண்ணங்களைப் பூசிக்கொண்டிருந்தனர். சிலர் தூண்களின் பின்னால் ஒளிந்து கொண்டு வண்ணங்களிலிருந்து தப்பிக்க முயன்றனர். முழு முற்றமும் வண்ணப் பொடிகள், வெடிக்கும் நீர்ப் பலூன்கள் மற்றும் நீர்த் துப்பாக்கிகளிலிருந்து வரும் வண்ண தெளிப்புகளால் அல்லோல பட்டது.

இந்த ஆண்டு பங்களூரில் ஹோலியைக் கொண்டாடடுவதற்குப் பதிலாக, சேத்தன் ராஜஸ்தானில் தன் தாத்தா பாட்டியின் வீட்டில் இருந்தான். அவன் முதல் முறையாக இவ்வளவு பெரிய ஹோலி கொண்டாட்டத்தைக் காண்கிறான்.

சேத்தன் அங்கு நின்று கொண்டு இந்த வண்ணமயமான காட்சியை ரசித்துக் கொண்டிருந்தபோது, அவனுடைய உறவினர்கள் வண்ணங்களால் மூடப்பட்டவர்களாக அவனிடம் வந்தனர்.

“வா, இப்போது ஏதாவது சாப்பிடலாம்!” என்று கூறி அவர்கள் அவனைச் சமையலறைக்கு அழைத்துச் சென்றனர்.

சமையலறையில், சோமாஸ், தண்டாய் பானம், குலாப் ஜாமூன், ஜிலேபி மற்றும் பிகானேரி புஜியா போன்ற சிற்றுண்டிகள் வைக்கப்பட்டிருந்தன. குழந்தைகள் ஆர்வத்துடன் அவற்றைத் தின்னத் தொடங்கினர். "வாவ், ஜிலேபி!” என்று ஒருவர் ஆர்ப்பரித்தார். மற்றொருவர், “நான் முதலில் சோமாசைச் சாப்பிடப் போகிறேன்!” என்று கூறினார்.