വിവിധ തരത്തിലുള്ള ന്യൂറോളജിക്കൽ വേദനകൾ എങ്ങനെ കൈകാര്യം ചെയ്യാം

ഏറ്റവും സാധാരണമായി കണ്ടുവരുന്ന ലക്ഷണം കൈ വേദനയാണ്. ക ത്തണ്ടയുടെ ഭാഗത്ത് തിരശ്ചീന കാർപൽ ലിഗമെന്റിന് കീഴിലുള്ള മീഡിയൻ നാഡിയുടെ കംപ്രഷൻ മൂലമാണിത് സംഭവിക്കുന്നത്.

- 

ഏറ്റവും വേദനാജനകവും ചികിത്സിക്കാൻ ഏറ്റവും വെല്ലുവിളി നിറഞ്ഞതുമായ ഒന്നായി കണക്കാക്കപ്പെടുന്നതാണ് ന്യൂറോളജിക്കൽ വേദന. പാലിയേറ്റീവ് ക്ലിനിക്കുകളിൽ സഹായം തേടുന്ന രോഗികളുടെ ഒരു പ്രധാനപ്രശ്നവുമിതാണ്. ന്യൂറോളജിക്കൽ വേദനയ്ക്ക് നിരവധി കാരണങ്ങളുണ്ട്, അവയിൽ സാധാരണയായ പത്തു കാരണങ്ങൾ ഇവയാണ്.

1. പെരിഫറൽ ന്യൂറോപ്പതി

കൈകളിലും കാലുകളിലും കത്തുന്ന വൈദ്യുതസംവേദനസ്വഭാവമുള്ള നാ ഡീസംബന്ധമായ വേദനയുടെ സാധാരണതരങ്ങളാണിവ. സെൻസറി നഷ്ടം, പരാസ്തേഷ്യ എന്നിവയുമായി ഇവ ബന്ധപ്പെട്ടിരിക്കാം. സാധാരണയായി കൈകളേക്കാൾ കാലുകളെ ബാധിക്കുന്നതായി കണ്ടുവരുന്നു. സമലക്ഷണത്തോടെയുള്ള വേദന സാവധാനത്തിൽ ആരംഭിച്ച് ആരോഹണക്രമത്തിൽ പുരോഗമിക്കുന്നു. ഇതിന് അനുബന്ധ കഴുത്തുവേദനയോ നടുവേദനയോ ഇല്ല. സാധാരണ കാരണങ്ങളിൽ അനിയന്ത്രിതമായ പ്രമേഹം, എച്ച്ഐവി, ചില മരുന്നുകൾ, കീമോതെറപ്പി, വിറ്റാമിൻ ബി 12 ന്റെ കുറവ്, നിഗൂഢകാരണത്താലുണ്ടാകുന്നവ എന്നിവയുൾപ്പെടുന്നു. ആന്റിസെയ്സർ, ആന്റി ഡിപ്രസന്റ് മരുന്നുകൾ എന്നിവ പെരിഫറൽ ന്യൂറോപ്പതി ചികിത്സയ്ക്ക് സഹായകമാകും.

2. കാലുകളിലോ കൈകളിലോ ഉള്ള വേദന

നാഡികളുടെ റൂട്ടിലുണ്ടാകുന്ന പ്രകോ പനം മൂലമുണ്ടാകുന്ന വേദനയാണിത്. ഇത്തരം വേദന ഞരമ്പിന്റെ പാതയിലൂ ടെ മാത്രം പ്രസരിക്കുന്നു. അത് വളരെ സാധാരണമാണ്. നാഡിയെ പ്രകോപി പ്പിക്കുകയും രോഗലക്ഷണങ്ങൾ ഉണ്ടാ ക്കുകയും ചെയ്യുന്ന ഡിസ്ക് പ്രോലാപ്സാണ് ഏറ്റവും സാധാരണമായ കാരണം. നേരിട്ടുള്ള മെക്കാനിക്കൽ പ്രകോപനം മൂലമോ അല്ലെങ്കിൽ പ്രോലാപ്സ്ഡ് മെറ്റീരിയൽ മൂലമുണ്ടാകുന്ന കോശജ്വലനപ്രതികരണം മൂലമോ പ്രകോപനമുണ്ടായേക്കാം. നീണ്ടുനിൽക്കുന്ന പ്രകോപനവും രക്ത വിതരണം കുറയുന്നതും ഈ ഞരമ്പുകളെ ഹൈപ്പർസെൻസിറ്റീവ് ആക്കുന്നു, ഇത് നീണ്ടുനിൽക്കുന്ന റാഡികുലാർ വേദനയു ളവാക്കുന്നു. ഈ വേദന സാധാരണയായി കത്തുന്നതു പോലുള്ളതും വൈദ്യുത സംവേദനസ്വഭാവമുള്ളതും തീക്ഷണവും ഉയർന്നതുമാണ്. മുന്നോട്ട് ചായുമ്പോൾ വേദന വർദ്ധിക്കുന്നു. ശരിയായ ന്യൂറോളജിക്കൽ പരിശോധനയിലൂടെ രോഗം ബാധിച്ച നാഡിയെ തിരിച്ചറിയാൻ സാധിക്കും. ഹെർണിയേറ്റഡ് ഡിസ്ക് തിരിച്ചറിയാൻ എംആർഐ ഉപയോഗിക്കാം.