മേൽക്കൂരകളിൽ മുമ്പൻ ഐ റൂഫിംഗ്

മെക്കാനിക്കൽ എഞ്ചിനീയറിങ്ങിൽ ബിടെക്കും, മാനുഫാക്ചറിങ്, ഡിസൈനിങ്ങ്, കൺസ്ട്രക്ഷൻ മാനേജ്മെന്റ് മേഖലകളിൽ പത്തു വർഷക്കാലത്തെ അനുഭവ സമ്പത്തുമുള്ള ലിബിൻ ടിജെയാണ് കമ്പനിയെ മുന്നിൽ നിന്ന് നയിക്കുന്ന ജനറൽ മാനേജർ, ഇന്നത്തെ ഐ റൂഫിങ്ങിന്റെ വളർച്ചയിൽ പ്രധാന പങ്കു വഹിച്ച വ്യക്തി.

- 

Age is not a Limit. ഈ ചൊല്ലിൽ പതിരില്ലെന്നു തെളിയിച്ച ഒരു സംരംഭകനുണ്ട് എറണാകുളം കൂനമ്മാവിൽ. പത്തു വർഷത്തിലധികമായി ഐ റൂഫിങ്ങ് എന്റർപ്രൈസസ് എന്ന സ്ഥാപനത്തെ നയിക്കുന്ന ജോണി മേനാച്ചേരി. വിദേശത്തെ ജോലിയിൽ നിന്ന് വിരമിച്ച്, നാട്ടിൽ തിരിച്ചെത്തി തന്റെ അറുപതാമത്തെ വയസ്സിൽ സ്വന്തമായി ഒരു സംരംഭം തുടങ്ങിയ വ്യക്തി. ഓസ്ട്രേലിയയിലേയും, ചൈനയിലേയും തൊഴിൽകാലത്ത് നാട്ടിൽ ഇന്നേ വരെ കണ്ടിട്ടില്ലാത്ത ട്രെസ്സ് ലെസ്സ് ആർച്ച് റൂഫിന്റെ മനോഹാരിതയോട് തോന്നിയ പ്രണയമാണ് ജോണിയെ സംരംഭകനാക്കിയത്. സെൽഫ് സ്ക്രൂവോ, ഓവർലാപ്പിങ്ങോ ആവശ്യമില്ലാതെ ഇന്റർലോക്കിങ്ങ് ടെക്നോളജി ഉപയോഗിച്ച് ആർച്ച് രീതിയിൽ റൂഫിങ്ങ് ചെയ്യുന്ന സംവിധാനമാണ് ലെസ്സ് റൂഫിങ്ങ്. രണ്ടും കൽപ്പിച്ച് ബിസിനസ് രംഗത്തേക്ക് ചുവടു വെയ്ക്കുമ്പോൾ ജോണിയ്ക്ക് ആകെയുണ്ടായിരുന്ന കൈമുതൽ വർഷങ്ങളോളം അന്യനാട്ടിൽ വിയർപ്പൊഴുക്കിയുണ്ടാക്കിയ സമ്പാദ്യവും,  സംരംഭകനാകണമെന്ന അതിയായ ആഗ്രഹവും മാത്രം.

പിറവിയും, വളർച്ചയും

 നേരിട്ട് കണ്ടും, തൊട്ടും വിശ്വാസമായെങ്കിൽ മാത്രം പുതുതായെത്തുന്ന എന്തിനേയും സ്വീകരിക്കുന്നവരാണ് നമ്മൾ മലയാളികൾ. ലോണെടുത്തും, ബന്ധുക്കളിൽ നിന്ന് കടം വാങ്ങിയും, 2011ൽ എറണാകുളം കൂനമ്മാവ് ആ സ്ഥാനമാക്കി ഐ റൂഫിംങ്ങിന് വെല്ലു തുടക്കമിട്ടപ്പോൾ ജോണി നേരിട്ട ഏറ്റവും വലിയ വിളിയും ഇതായിരുന്നു. തുടക്കത്തിൽ പല പ്രതിസന്ധികളുണ്ടായപ്പോഴും, പക്ഷേ മനസ്സാന്നിധ്യം കൈവിട്ടില്ല. തങ്ങളുടെ റൂഫിങ്ങ് മികച്ചതാണെന്ന് ആളുകളെ ബോധ്യപ്പെടുത്തുകയായിരുന്നു ആദ്യ കടമ്പ.