ഹൈറൈഡറോ വിറ്റാരയോ?

ഒരേ അച്ചിൽ വാർത്തെടുത്തതെങ്കിലും ഇരുവരും തമ്മിൽ എന്തെങ്കിലും പ്രത്യേകതകൾ കാണില്ലേ എന്നു സംശയിക്കാത്തവർ ചുരുക്കം. സത്യത്തിൽ ഇരുവരും തമ്മിൽ വ്യത്യാസമുണ്ടോ?

- 

മാരുതിയും ടൊയോട്ടയും തമ്മിൽ കൈകോർത്ത് ഇന്ത്യൻ വിപണിയിൽ വാഹനമിറ ക്കിയപ്പോൾ ഇതെന്തു കഥ എന്നു ചോദിച്ചവരാണ് ഏറെയും. രണ്ടു ബാൻഡിൽ ഒരേ വണ്ടികൾ. ഇതിൽ ഒരെണ്ണത്തിനല്ലേ വിൽപനയുണ്ടാ കൂ? സർവീസിൽ ടൊയോട്ടയല്ലേ മികച്ചത്? സർവീസ് നെറ്റ്വർക്ക് മാരുതിക്കല്ലേ? ഇങ്ങനെ ചോദ്യങ്ങളും തർക്കവുമൊക്കെ ഒരു വശത്ത് അരങ്ങു തകർത്തു കൊണ്ടേയിരുന്നു. ബെലീനോ ടൊയോട്ട ബാഡ്ജ് അണിഞ്ഞപ്പോൾ ഗ്ലാൻസയായി. ബ്രെസ്സ അർബൻ ക്രൂസറും. തൊട്ടു പിന്നാലെയാണ് ടൊയോട്ട അർബൻ ക്രൂസർ ഹൈഡറിനെയും മാരുതി അതേ പ്ലാറ്റ്ഫോമിൽത്തന്നെ ഗ്രാൻഡ്വിറ്റാരെയെയും അവതരിപ്പിച്ചത്. ഹ്യുണ്ടേയ് ക്രേറ്റ, കിയ സെൽറ്റോസ് എന്നിവരുടെ ഇടയിലേക്കാണ് രണ്ടുപേരുമെത്തിയത്. ഒരേ പ്ലാറ്റ്ഫോമിൽ ഒരേ എൻജി നും ഫീച്ചേഴ്സുമായാണ് രണ്ടു പേരുടെയും വരവ്. രണ്ട് എൻജിൻ ഓപ്ഷനുകൾ മൈൽഡ് ഹൈ ബിഡും സ്ട്രോങ് ബിഡും. രണ്ടിനും വ്യത്യസ്ത പേര് ഉണ്ടെന്നു മാത്രം. അളവുകളിലും ഫീച്ചറുകളി ലും വലിയ വ്യത്യാസമില്ല. ഇന്ധനക്ഷമതയും സമം. പക്ഷേ, ഈ സെഗ്മെന്റിലെ വാഹനങ്ങളിലൊന്ന് എടുക്കാൻ തീരുമാനിക്കുന്നവരെ സംബന്ധിച്ച് ചില്ലറ കൺഫ്യൂഷൻ നിലനിൽക്കുന്നുണ്ട്. ഹൈഡറിന്റെയും ഗ്രാൻഡ് വിറ്റാരയുടെയും കാര്യത്തിൽ തന്നെയാണത്. ഏതെടുക്കണം? മികച്ചതേത്? ഇരുവരും തമ്മിൽ വ്യത്യാസമെന്ത്? എന്നിങ്ങനെ സംശയങ്ങൾ ഒട്ടേറെ. അവക്കുത്തരം തേടി രണ്ടുപേരെയും ഒന്നിച്ചൊന്നു കാണാം...

ഡിസൈൻ

അളവുകളിൽ ഇരുവരും തമ്മിൽ നേരിയ വ്യത്യാസമുണ്ട്. നീളം കൂടുതൽ ഹൈഡറിനാണ് 4365 എംഎം (വിറ്റാര-4345 എംഎം) ഉയരം കൂടുതൽ വിറ്റാരയ്ക്കാണ് 1645 എംഎം (ഹൈ റൈഡർ-1635 എംഎം). വീതി രണ്ടു പേർക്കും 1795 എംഎം. വീൽബേസ് മാറ്റമില്ല2600 എംഎം.

മുൻ ഡിസൈനിൽ ഇരുവരും തമ്മിൽ കാര്യമായ മാറ്റമുണ്ട്. കാഴ്ചയിൽ ഇരുവരെയും ഇതു വേറിട്ടു നിർത്തുന്നുണ്ട്. പരുക്കൻ എ വിയുടെ ഗൗരവം ഉള്ളത് വിറ്റാരയ്ക്കാണ്. അരിഞ്ഞിറക്കിയതുപോലുള്ള ബോണറ്റും ഗ്ലോസ് ബ്ലാക്ക് ഇൻസേർട്ടോടുകൂടിയ വലിയ ഗ്രില്ലും ക്രോം  ഇൻസേർട്ടോടുകൂടിയ ചതുരവടിവുള്ള ഹെഡ്ലാംപ് ക്ല റും ഗ്രാൻഡ് വിറ്റാരയെ വേറിട്ടു നിർത്തുന്നു. ബലീനോയിൽ കണ്ടതു പോലുള്ള 3 പോഡ് എൽഇഡി ഡിആർഎൽ രസമുണ്ട്.