അന്ന് ചേച്ചി ഇന്നു ടീച്ചർ

കുട്ടികൾക്ക് അന്നു ക്ലാസ് മുറികൾ വൃത്തിയാക്കുന്ന ചേച്ചിയായിരുന്നു ആർ ജെ ലിൻസ ഇന്നു വിദ്യാർഥികൾ ഏറെ സ്നേഹിക്കുന്ന അധ്യാപികയും ലാറ്റ് ഗ്രേഡ് ജീവനക്കാരിയായി ജോലിയിൽ പ്രവേശിച്ച വിദ്യാലയത്തിൽ തന്നെ അധ്യാപികയായി എത്തിയ ആർ ജെ ലിൻസയെന്ന അധ്യാപികയുടെ കഥ ഒരു ഓർമപ്പെടുത്തലാണ് പഠിക്കാൻ മനസ്സുണ്ടായാൽ ആഗ്രഹിച്ച ജോലിയിൽ എത്താമെന്ന ഓർമപ്പെടുത്തൽ.

- പി. ചന്ദ്രമോഹൻ

കാഞ്ഞങ്ങാട് ഇക്ബാൽ ഹയർസെക്കൻഡറി സ്കൂളിലെ യുപി വിഭാഗത്തിലെ അധ്യാപികയായ ചെറുവത്തൂർ കാട്ടുതലയിലെ ആർ.ജെ. ലിൻസയുടെ നേട്ടത്തിന്റെ കഥ അവരുടെ ജീവിതത്തോട് സമം ചേർത്തു വായിക്കേണ്ടതാണ്. ഇക്ബാൽ ഹയർ സെക്കൻഡറി സ്കൂളിലെ സംസ്കൃത അധ്യാപകനായിരുന്ന വടകര കിഴക്കൻ പേരാമ്പയിലെ കെ.കെ. രാജന്റെ മകളാണ് ലിൻസ അച്ഛനെപ്പോലെ അധ്യാപികയാവണമെന്നു മനസ്