உடல்... மனம்...டீடாக்ஸ் செய்யும் ஆயுர்வேதம்!

"ஒருவர் ஆரோக்கியமாக இருக்க வேண்டும் என்றால் அவரின் வாழ்க்கை முறையும் ஆரோக்கியமாக அமைத்திருக்க வேண்டும்.

- நிஷா

"ஒருவர் ஆரோக்கியமாக இருக்க வேண்டும் என்றால் அவரின் வாழ்க்கை முறையும் ஆரோக்கியமாக அமைத்திருக்க வேண்டும். காரணம், இன்றைய சூழலில் ஆண்-பெண் இருவரும் வேலைக்கு செல்கிறார்கள். குறிப்பாக பெண்கள் வீடு மட்டுமில்லாமல் அலுவலக வேலையும் பார்க்கிறார்கள். ஆண்கள் தங்களின் வேலையினை தக்க வைத்துக் கொள்வது மட்டுமில்லாமல் அடுத்த நிலைக்கு தங்களை உயர்த்திக் கொள்ள வேண்டும் என்ற நிலை. இதனால் ஸ்ட்ரெஸ் என்னும் அரக்கனால் இருவருமே பாதிக்கப்படுகிறார்கள். ஒரு பக்கம் மனம் சார்ந்த பாதிப்பு ஏற்படுகிறது என்றாலும், மறுபக்கம் நம் சுற்றுச் சூழலால் ஏற்படும் மாசும் நம்முடைய உடலில் பல மாற்றங்களை ஏற்படுத்துகிறது. விளைவு பெயர் தெரியாத புது நோய்கள். நம் வாழ்க்கையில் ஸ்ட்ரெஸ் என்பது ஒரு பகுதியாகவே மாறிவிட்டது. ஆனால் அதனை நல்ல முறையில் மாற்றி அமைத்துக் கொள்ள முடியும். அந்த முறையினைதான் நாங்க எங்க மருத்துவமனையில் வழங்கி வருகிறோம்" என்றவர், ஆரோக்கிய வாழ்க்கைக்கான திறவுகோல் குறித்து விவரித்தார்.