എന്റെ ശരീരം;എന്റെ സൗകര്യം

ജീവിതത്തിലും കരിയറിലും വിജയങ്ങൾ നേടിയെടുക്കുമ്പോഴും സ്വന്തം ശരീരത്തെക്കുറിച്ച് കമന്റുകൾ കേൾക്കാൻ വിമുഖതയുള്ളവർ അനേകം. കഴിവുകൾക്ക് അംഗീകാരവും അഭിനന്ദനങ്ങളും കാംക്ഷിക്കുന്നവർക്കൊപ്പം ദേവിചന്ദനയുമുണ്ട്. അതുമായി ബന്ധപ്പെട്ട് 'മഹിളാരത്ന' ത്തോട് ഹൃദയം തുറക്കുകയാണ് ഇവിടെ.

- അപ്പൂസ് കെ.എസ്

കലയെ പ്രൊഫൈൽ ആയി കാണുമ്പോൾ? ഇന്നത്തെ സമൂഹത്തിൽ കലയെ ഒരു ജോലിയായി അംഗീകരിക്കാൻ ബുദ്ധിമുട്ടുള്ള വ്യക്തികൾ ഉണ്ട്. അഭിനയമോ പാടുന്നതോ ഒന്നും അവർക്ക് ഒരു ജോലി ആയി കാണാൻ പറ്റുന്നില്ല.

പക്ഷേ അതിന് പിന്നിൽ നമ്മൾ എത്രത്തോളം കഷ്ടപ്പെടുന്നുണ്ട് എന്നു പോലും ഓർക്കാതെ മുഖത്തു നോക്കി പലരും വിഷമിപ്പിക്കുന്ന രീതിയിൽ സംസാരിക്കുന്ന സാഹചര്യം ഞാൻ നേരിട്ടിട്ടുണ്ട്. ആ കാഴ്ചപ്പാടുകൾ മാറേണ്ട കാലം കഴിഞ്ഞു.

കുടുംബപ്രേക്ഷകരിലേക്ക് അടുപ്പിച്ചത് സീരിയലാണോ?

തീർച്ചയായും. ടെലിവിഷൻ റീച്ച് സിനിമയ്ക്ക് ഉണ്ടാവില്ല. അല്ലെങ്കിൽ ബാഹുബലിയോ പുലിമുരുകനോ പോലെയുള്ള വമ്പൻ സിനിമകൾ ആവണം. സീരിയൽ എന്നുപറയുമ്പോൾ ദിവസവും നമ്മളെ കണ്ടു കൊണ്ടിരിക്കുകയാണ്. പക്ഷേ അതു പോലെ മറക്കുകയും ചെയ്യും എന്നതാണ് സത്യം. എന്റെ ആദ്യപടം എനിക്കിപ്പോൾ വേണമെങ്കിലും എടുത്തുകാണാം. പക്ഷേ ആദ്യത്തെ സീരിയൽ കാണണമെന്ന് തോന്നിയാൽ അത് പറ്റില്ലല്ലോ. വൺടൈം വേർഷൻ ആണ് സീരിയൽ. അതിന്റെ റീച്ച് ഭയങ്കരമാണ്. പക്ഷേ ലാസ്റ്റ് ചെയ്യില്ല. മനസ്സ് എന്ന എ.എം. നസീർ സീരിയൽ ആണ് ആദ്യം ചെയ്തത്. പിന്നെ മരുഭൂമിയിൽ പൂക്കാലം, കുടുംബവിളക്ക് ഒക്കെ നന്നായി ശ്രദ്ധിക്കപ്പെട്ടു.

ശരീരഭാരത്തെ ആരെങ്കിലും കളിയാക്കാറുണ്ടോ ?