மக்களை மக்காக்கி அசராமல் அள்ளும் நிதிநிறுவனங்கள்!

நிதி நிறுவனங்கள் என்றாலே ஒரு காலத்தில் அமோக மரியாதை.சிறுக சேமித்து, குழந்தைகளின் பட்டப்படிப்பு, திருமணம் என எதிர்கால நன்மைக்கான முதலீட்டை பெறும் வகையில் அக்கால நிதி நிறுவனங்கள் அமைந்திருந்தன.

- பரிதிபாலன்

கால ஒட்டத்தில்... குறுகிய காலத்தில் பெருகிடும் வகையில் ஏதாவது சேமிப்பு செய்ய முடியுமா என்று பலரும் சிந்தித்த நிலையில், அவர்களின் பேராசையை இரையாக்கி வலை விரித்தனர் புதிய நிதி நிறுவனத்தார்.

வங்கியில் 1, 2 சதவீதம் வட்டி வந்த நிலையில், 10%, 20% என மாதாந்தர வட்டிக்கு ஆசை காட்டி சேமிப்பு திட்டங்களை அவர்கள் அறிவிக்க, எப்படி இவ்வளவு கொடுக்க முடியும் என்று சிறிதும் சிந்திக்காமல் பெரிதாக தொகையை இவர்கள் அளிக்க, சுப யோக சுப தினத்தில் நிறுவனத்தை மூடிவிட்டு அவர்கள் தலைமறைவாகினர்.

இப்படி ஒன்று இரண்டல்ல, நிதி நிறுவனத்தாரின் 'வெற்றிக்கதை' ஏராளம். மக்களோ, இருப்பதை கொட்டிக் கொடுத்தது தாராளம்.