విద్యా సమాచారం

వేటు విద్యా సంస్థలకు ధీటుగా మహాత్మా జ్యోతి బాపూ లే తెలంగాణ బీసీ సంక్షేమ గురుకుల వసతి గృహ సంస్థ విద్యార్థులు ఈసారి పదవ తరగతి, ఇంటర్మీడియెట్ పరీక్షల్లో అత్యుత్తమ ఫలితాలు సాధించి విజయ ఢంకా మోగించారు.

- 

వేటు విద్యా సంస్థలకు ధీటుగా మహాత్మా జ్యోతి బాపూ లే తెలంగాణ బీసీ సంక్షేమ గురుకుల వసతి గృహ సంస్థ విద్యార్థులు ఈసారి పదవ తరగతి, ఇంటర్మీడియెట్ పరీక్షల్లో అత్యుత్తమ ఫలితాలు సాధించి విజయ ఢంకా మోగించారు. ఈ ఫలితాల్లో విద్యార్థులు 98.99 శాతం ఉత్తీర్ణత తో రాష్ట్ర స్థాయిలో రెండవ స్థానంలో నిలవడంపై రాష్ట్ర ముఖ్యమంత్రి కె.రేవంత్ రెడ్డి హర్షం వ్యక్తం చేసారు. అద్భుత విజయం సాధించిన విద్యార్థులకు హృదయ పూర్వక శుభాకాంక్షలు తెలుపుతూ గురుకులాల్లోని విద్యా ప్రమాణాలకు, ప్రభుత్వ ప్రోత్సాహానికి ఈ ఫలితాలే నిదర్శనమని కొనియాడారు.

ఈ ఫలితాలు రావడానికి కృషి చేసిన బోధనా సిబ్బందిని, ఫలితాలు సాధించిన విద్యార్థు లను బీసీ సంక్షేమ శాఖా మంత్రి పొన్నం ప్రభాకర్, ముఖ్య కార్యదర్శి బాల మాయాదేవి, బీసీ గురుకుల విద్యా సంస్థల సొసైటీ కార్యదర్శి బి.సైదులు అభినందించారు. ఈ సందర్భంగా బి.సైదులు మాట్లాడుతూ అనుభవజ్ఞులైన ఉపాధ్యాయులు, నిపుణులు, పాఠశాలల సిబ్బంది, అధికారుల సహకారం నిరంతర కృషికి ఈ ఫలితాలు సాక్ష్యంగా నిలిచాయన్నారు.

2025-26 పదవ తరగతి ఫలితాలు

ఈ ఏడాది పదో తరగతి ఫలితాల్లో అత్య ధిక మార్కులు 588 ఇద్దరు బాలికలు నితీషా, శ్రీనిధి, 587 మార్కులు సాయి మనోజ్ రెడ్డి, లాస్య సాధించి తమ ప్రతిభను చాటారు. ఈ సంవత్సరం బీసీ గురుకుల విద్యార్థులు 98.99 శాతం ఉత్తీర్ణత సాధించి రాష్ట్ర సగటు కంటే 4.84 ఎక్కువ ఉత్తీర్ణత శాతం నమోదు చేసారు.

రాష్ట్రవ్యాప్తంగా ఉన్న 294 పాఠశాల నుంచి 204 పాఠశాలలు వంద శాతం ఉత్తీర్ణత సాధించాయి. 60 మంది విద్యార్థులు 580 కంటే ఎక్కువ మార్కులు సాధించగా, 570 కంటే ఎక్కువ మార్కులు 364 మంది విద్యార్థులకు రాగా, 560 కంటే ఎక్కువ మార్కులు సాధించి, 1061 మంది విద్యార్థులు తమ ప్రతిభను చాటి చెప్పారు. 3598 మంది విద్యార్థులు 90 శాతానికి పైగా మార్కులతో తమ సత్తాను చాటారు. ఈ ఏడాది 19,245 మంది విద్యార్థులు ఉత్తీర్ణత సాధించారు. వీరిలో 9,093 మంది బాలురు, 9,954 మంది బాలికలు ఉన్నారు. 31 జిల్లాల్లో వీరు 98 శాతం ఫలితాలు సాధించారు.

ఇంటర్మీడియట్లోనూ పైచేయి