అమ్మాయిలే స్ఫూర్తి నింపగలరు - రుహానీ శర్మ

చేతికి అందిన అన్ని చిత్రాలను ఒప్పేసుకొని పెద్ద హీరోయిన్గా ఎదిగిపోవాలనే ఆరాటం తనకు ఏ మాత్రం లేదని కచ్చితంగా చెబుతున్నారు అందాల నాయిక రుహానీ శర్మ.

- 

చేతికి అందిన అన్ని చిత్రాలను ఒప్పేసుకొని పెద్ద హీరోయిన్గా ఎదిగిపోవాలనే ఆరాటం తనకు ఏ మాత్రం లేదని కచ్చితంగా చెబుతున్నారు అందాల నాయిక రుహానీ శర్మ. ఐదేళ్ల క్రితం టాలీవుడ్లో అడుగుపెట్టిన ఈ పంజాబీ భామ దక్షిణాదిన అర డజనుకు పైగా చిత్రాల్లో మెరిసారు. ఇటీవల హిందీ చిత్ర పరిశ్రమకూ ఎంట్రీ ఇచ్చారు. వరుసగా కమర్షియల్ చిత్రాల అవకాశాలు వస్తున్నా ప్రత్యేకమైన స్టోరీని, థీమ్ని ఎంచుకొని, సినిమాలకు అంగీకారం తెలుపుతున్నారని చెబు తున్నారు. తెలుగులో 'చిలసౌ’తో చిత్రరంగ ప్రవేశం చేసి 'హిట్', 'డర్టీహరీ', 'నూటొక్క జిల్లాల అందగాడు', 'హర్', 'సైంధవ్' తదితర చిత్రాల్లో నటించిన రుహానీ వెబ్ సిరీస్లు, ఓటీటీ షోల్లో చురుగ్గా పాత్రల్ని పోషిస్తూ తక్కువ సమయంలోనే చాలా గుర్తింపు సాధించారు. నిజ జీవితంలో కూల్గా, చాలా పద్ధతిగా అమ్మ చాటు బిడ్డగా ఉండే తాను, సినిమాల్లో మాత్రం రిస్క్ తీసుకునే పాత్రలనే ఎక్కువగా ఇష్టపడతానని చెబు తున్నారు. ఇటీవల తెరమీద బయోపిక్ చిత్రాల ట్రెండ్ పెరిగి పోయిందని, అమ్మాయిలు ఛాలెంజింగ్ రోల్స్లో స్ఫూర్తి నింపు తున్నారని చెబుతున్న రుహానీ శర్మ ఇంటర్వ్యూ విశేషాలు...

సినిమాలు, ఓటీటీ షోలు, ఆల్బమ్స్ నటిస్తూ టైమ్ ఎలా మేనేజ్ చేస్తున్నారు?

నా తొలి ప్రాధాన్యత సినిమాలకే కనుక మిగిలిన షోలు, ఓటీటీ ప్లాట్ఫార్మ్లు పెద్దగా హడావుడి పెట్టవు. ఆల్బమ్ సాంగ్ మాత్రం ఇప్పుడు రావట్లేదు. సినిమాల్లోకి రాక ముందు వల్ల ఫుల్ టైమ్ ఆల్బమ్ సాంగ్స్ చాలా క్రేజ్, గుర్తింపు లభించాయి. ఇప్పుడు దక్షిణాదిన ముఖ్యంగా తెలుగులో వరుసగా చిత్రాలు చేస్తున్నాను. కాబట్టి ఇతర ప్లాట్ఫార్మ్ కు తదుపరి ప్రాధాన్యత ఇస్తాను.