ചക്കുളത്തുകാവിൽ കാർത്തികപൊങ്കാല

പൊങ്കാല

- സി.സദാനന്ദൻ പിള്ള-

വൃശ്ചികമാസത്തിലെ വളരെ പ്രധാനപ്പെട്ട ഒരു വിശേഷമാണ് ചക്കുളത്ത്കാവ് ക്ഷേത്രത്തിലെ കാർത്തികപൊങ്കാല. ആറ്റുകാൽ പൊകാല കഴിഞ്ഞാൽ പൊങ്കാലകളിൽ ഏറ്റവും പ്രസിദ്ധം ചക്കുളത്തുകാവ് പൊങ്കാലയാണ്. ആലപ്പുഴ ജില്ലയിലെ തലവടി പഞ്ചായത്തിൽ നീരേറ്റുപുറത്ത് സ്ഥിതിചെയ്യുന്ന ഒരു പ്രമുഖ ഹൈന്ദവ ക്ഷേത്രമാണ് ചക്കുളത്തുകാവ് ഭഗവതിക്ഷേത്രം. വനദുർഗ്ഗയാണ് ഈ ക്ഷേത്രത്തിലെ പ്രധാന പ്രതിഷ്ഠ. നീലക്കൊടുവേലി പോലുള്ള അപൂർവ്വ സസ്യങ്ങളിൽ തട്ടി ഔഷധജലം നിറഞ്ഞൊഴുകുന്ന പുണ്യ നദിയായ പമ്പയുടെയും ഒപ്പം മണിമലയാറിന്റെയും സാന്നിദ്ധ്യമാണ് ഈ ക്ഷേത്രത്തെ കൂടുതൽ ദീപ്തമാക്കുന്നത്. ഈ ക്ഷേത്രം സ്ത്രീകളുടെ ശബരിമല എന്നും അറിയപ്പെടുന്നു.