നാഗാരാധനയുടെ ദൃക്സാക്ഷ്യം: പുള്ളുവൻപാട്ട്

നാഗാരാധനയിലെ ഏറ്റവും സവിശേഷപ്പെട്ടതും, പൗരാണികവുമായ ആരാധനാരീതിയാണ് നാഗപ്പാട്ട് അഥവാ പുള്ളുവൻപാട്ട്. വൈദികമന്ത്രങ്ങളോ, പൂക്കളോ, ആരതിയോ, നിവേദ്യമോ ഇല്ലാതെ നാഗപ്രീതി നടത്തുന്ന ആരാധനയാണ് പുള്ളുവപ്രീതി എന്നുപറയുന്ന പുള്ളുവൻപാട്ട്.

- നാരായണൻ പോറ്റി 9947197395

മിക്ക ക്ഷേത്രങ്ങളിലേയും നാഗത്തറയോട് ചേർന്ന് പുള്ളുവൻപാട്ട് നാം കാണാറുണ്ട്. പേരും നാളും ചൊല്ലി നാഗദോഷ നിവൃത്തിക്കായി അവർ നമുക്കായി പാടാറുണ്ട്. അകത്തെ തേവരെ തൊഴുതു വന്നതിലും അധികമായി ആത്മധൈര്യം പകരുന്നതാണ് പുള്ളുവൻപാട്ടിലൂടെ പുള്ളുവന്റെ വീണയിലൂടെ വീണക്കുടത്തിന്റെ ശബ്ദത്തിലൂടെ നാഗദേവതകളുടെ കടാക്ഷം നമ്മളിൽ പടർത്തുന്നത്. നാഗാരാധനയുടെ ദൃക്സാക്ഷ്യമാണ് പുള്ളുവൻ പാട്ടിലൂടെ നാം കാണുന്നതും കേൾക്കുന്നതും, അനുഭവിച്ചറിയുന്നതും.

സർപ്പദേവതകൾക്ക് എടുത്തുപറയത്തക്കതായ വലിയൊരു സവിശേഷതയുണ്ട്. എല്ലാ ദേവതകളോടും ചേർന്ന് സർപ്പദേവതകളെ കാണാറുണ്ട്. ആഭരണമായും ആയുധമായും നാഗദേവതകൾ പ്രത്യക്ഷപ്പെടുന്നു. മഹാവിഷ്ണു ശയിക്കുന്നത് അനതന്റെ മുകളിലാണ്. ഈ പ്രപഞ്ചത്തെ താങ്ങിനിർത്തുന്നതും സർപ്പദേവതകളാണ്. സർപ്പദേവതകളെ പ്രാർത്ഥിച്ചാൽ സകല ദേവതകളേയും പ്രാർത്ഥിച്ച ഫലം ലഭിക്കുമെന്നാണ് വിശ്വാ സം. സർപ്പപ്രീതി സകലദേവതകളുടെയും പ്രീതിയായി ഭവിക്കുന്നു. സർപ്പാരാധനയുടെ വിവിധ വശങ്ങളെക്കുറിച്ച് സർപ്പം പാട്ടുകാരനായ സുദർശനൻ ചെറുതായി വിവരിക്കുകയാണ്.