കാലത്തിന്റെ കാരകന് വഴിപാട് തൈപ്പൊങ്കൽ

നമ്മുടെ കൺമുന്നിൽ പ്രത്യക്ഷപ്പെടുന്ന, നമുക്ക് കാണാനാവുന്ന ദൈവമായി വിളങ്ങുന്നു സൂര്യൻ. ആദിമനുഷ്യന്റെ ആദ്യത്തെ വഴിപാടുതന്നെ സൂര്യ വഴിപാടാണെന്നാണ് കരുതപ്പെടുന്നത്.

- അജയ്കുമാർ

ഉപനിഷത്തുക്കൾ, പുരാണങ്ങൾ, ഇതിഹാസങ്ങൾ എല്ലാം തന്നെ സൂര്യന്റെ കീർത്തിയെക്കുറിച്ച് പ്രതിപാദിക്കുന്നുണ്ട്. സൂര്യ ആരാധനയുടെ തുടർച്ചയായി കൃഷിയ്ക്കും, തൊഴിലിനും ഉന്നതിയുണ്ടാകുവാനായി സഹായിച്ച സൂര്യന് നന്ദി പ്രകാശിപ്പിക്കുംവിധം ആദികാലത്ത് തുടങ്ങിയതാണ് "പൊങ്കൽ ഉത്സവം. തന്റെ അദ്ധ്വാനത്തിന് സഹായം നൽകിയ പ്രകൃതിക്കും തന്നോടൊപ്പം അദ്ധ്വാനിച്ച് നാൽക്കാലികൾക്കും നന്ദിയും സന്തോഷവും പ്രകടിപ്പിക്കുവാനുള്ള ഉത്സവമായിട്ടാണ് ഇത് ആഘോഷിക്കപ്പെടുന്നത്. "പൊങ്കുക' എന്നാൽ തിളയ്ക്കൽ, കവിയൽ, വേവിക്കൽ(പാചകം), ഉയരൽ, സമൃദ്ധിയുണ്ടാവൽ എന്നൊക്കെയാണ് അർത്ഥമാക്കുന്നത്. ആടി(കർക്കിടകം)യിൽ വിതച്ചതിന്റെ ഫലം മാർകഴി(ധനു)യിൽ വിളവെടുത്ത് തെ(മകരം) മാസത്തിൽ അതിനെ ഭക്ഷിക്കാൻ തുടങ്ങുന്ന ആദ്യദിവസമാണ് "തൈപ്പൊങ്കൽ' ആയി ആഘോഷിക്കുന്നത്.(കേരളത്തിൽ ഇത് മകരസംക്രാന്തി എന്ന പുണ്യ ദിനമാണ്). ആകാശത്തിൽ കാറ്റും, കാറ്റിൽ അഗ്നിയും ഉണ്ടാവുന്നു. തീകൊണ്ട് പുതിയ മൺകലത്തിൽ(നിലം) ഉള്ള അരി(നിലത്തിന്റെ ഉപഹാരം) വെള്ളത്തിൽ വെന്ത് പൊങ്കലാവുന്നു. പൊങ്കൽ നേദിച്ച് സൂര്യനെ പൂജിക്കുന്നവർ, പഞ്ചഭൂതങ്ങളെ തന്നെ പൂജിക്കുന്നു എന്നാണ് ഐതിഹ്യം.

പുരാണപ്രകാരം കശ്യപൻ അദിതി ദമ്പതിമാ രുടെ പുത്രനായി ജനിച്ച വിവസ്വാൻ ആണ് സൂര്യഭ ഗവാൻ. ഇദ്ദേഹത്തിന് ഉഷാ, പ്രത്യുഷ എന്നീ രണ്ട് ഭാര്യമാർ. ചെമ്പൊന്നിന്റെ നിറമുള്ള മേനിയോടുകൂ ടിയവൻ. ഏഴ് കുതിരകളെ പൂട്ടിയ കാലചക്രം കറങ്ങുന്ന രഥമാണ് സൂര്യന്റെ വാഹനം. അരുണനാണ് ഈ രഥത്തിന്റെ സാരഥി.

പൊങ്കലിന്റെ തുടക്കം

മറ്റുള്ള ഉത്സവങ്ങൾക്കും ആഘോഷങ്ങൾക്കും ഇല്ലാത്ത സവിശേഷതയായി പൊങ്കൽ ഉത്സവത്തിനോടൊപ്പം ശുദ്ധമാക്കുന്ന വിധത്തിൽ, തങ്ങളുടെ ഇരിപ്പിടത്തേയും വാസസ്ഥലത്തേയും ശുദ്ധിയാക്കി ഭംഗിയാക്കുന്നു.