ജീവിതപ്രപഞ്ചത്തെ ധന്യവും അർത്ഥപൂർണ്ണവുമാക്കുന്ന വ്യാഴം

വ്യാഴമാണ് ബുദ്ധിവികാസം. പാണ്ഡിത്യം, ചിന്താശക്തി, അന്തസ്സ്, ആഭിജാത്യം, സാമ്പത്തിക സുസ്ഥിരത, കുടുംബഭദ്രത, സന്താന ഭാഗ്യം തുടങ്ങിയ ഗുണങ്ങൾ പ്രദാനം ചെയ്യുന്നത്. ഗ്രഹങ്ങളിൽ ഏറ്റവും വലിപ്പം വ്യാഴത്തിനാണ്

- എൻ.ടി. സതീഷ്

ഒരാളുടെ ജാതകത്തിൽ, ഗ്രഹനിലയിൽ വ്യാഴം ശരിയുടെ സ്ഥാനത്താണെങ്കിൽ അയാളുടെ ജീവിതം അത്യുന്നതിയിലെത്തും. മറ്റുഗ്രഹങ്ങൾ പ്രതികൂലമായിരുന്നാലും വ്യാഴം ബലവാനാണെങ്കിൽ ഒന്നും ഭയക്കാനില്ലെന്നാണ് പറഞ്ഞതിന്റെ അർത്ഥം. ജ്യോതിഷത്തിൽ ഗുരു എന്നു പറഞ്ഞാൽ വ്യാഴമാണ്. ആ വ്യാഴമാണ് ബുദ്ധിവികാസം. പാണ്ഡിത്യം, ചിന്താശക്തി, അന്തസ്സ്, ആഭിജാത്യം, സാമ്പത്തിക സുസ്ഥിരത, കുടുംബഭദ്രത, സന്താന ഭാഗ്യം തുടങ്ങിയ ഗുണങ്ങൾ പ്രദാനം ചെയ്യുന്നത്. ഗ്രഹങ്ങളിൽ ഏറ്റവും വലിപ്പം വ്യാഴത്തിനാണ്. ആ വലിപ്പം നന്മ ചെയ്യുന്ന കാര്യത്തിലുമുണ്ട്. രാജയോഗങ്ങൾ വാരിക്കോരി നൽകുന്ന വ്യാഴം ഒരു വ്യക്തിയുടെ ജീവിതത്തേയും മനഃപൂർവ്വം സംഘർഷപ്പെടുത്തുകയില്ല. ശുഭകരമായ ജീവിതം മാത്രമേ അരുളുകയുള്ളൂ.

സത്വഗുണത്തിന്റെ പ്രതീകം

പ്രപഞ്ചത്തിലെ സകലമാന സംഗതികളും സത്വം, രജസ്സ്, തമസ്സ് എന്നീ ത്രിഗുണങ്ങളുമായി ബന്ധപ്പെട്ടിരിക്കുന്നു. ഗ്രഹങ്ങളും ഈ മൂന്ന് വിഭാഗത്തിൽ ഉൾപ്പെടുന്നു. വ്യാഴം, സൂര്യൻ, ചന്ദ്രൻ എന്നീ ഗ്രഹങ്ങൾ സത്വഗുണത്തേയും ബുധനും ശുക്രനും രജോഗുണത്തേയും ശനി, ചൊവ്വ, രാഹു, കേതു എന്നിവർ തമോഗുണത്തേയും പ്രതിനിധാനം ചെയ്യുന്നു. ഒരാളുടെ ജാതക ത്തിൽ ഏത് ഗ്രഹത്തി നാണോ ഏറ്റവും ബലം, ആ ഗ്രഹം പ്രതിനിധാനം ചെയ്യുന്ന ഗുണമായിരിക്കും ആ വ്യക്തിക്ക്. ത്രിഗുണങ്ങളിൽ ദൈവാംശം വളരെ കൂടിയിരിക്കുന്നത് സത്വഗുണത്തിനാണ്. സത്വഗുണമുള്ളവനെയാണ് സാത്വികൻ എന്നു വിളിക്കുന്നത്. ബലവാനായ വ്യഴം ഗ്രഹനിലയിലുണ്ടങ്കിൽ ആ ജാതകൻ സാത്വികൻ തന്നെയായിരിക്കും.

ജന്മരഹസ്യം