അജ ഏകാദശി

ഏകാദശികളിൽ ഏറെ പ്രാധാന്യമുള്ളതാണ് അജ ഏകാദശി.... ചിങ്ങമാസത്തിലെ കൃഷ്ണപക്ഷത്തിലെ ഏകാദശിക്ക് അജ ഏകാദശി എന്നാണ് പറയുന്നത്...

- തരവത്ത് ശങ്കരനുണ്ണി, (9847118340)

അജ ഏകാദശിയുടെ ഐതിഹ്യത്തെയും ആചരിക്കേണ്ട രീതിയെപ്പറ്റിയും ഒരു ചെറിയ വിവരണം.

ഒരിക്കൽ യുധിഷ്ഠിര മഹാരാ ജാവ് ഭഗവാനോട് ചോദിച്ചു:

"ഹേ ജനാർദ്ദനാ, ഭാദ്രപദ മാസം കൃഷ്ണപക്ഷത്തിലെ ഏകാദശിയെപ്പറ്റി പറഞ്ഞുതന്നാലും..' ഭഗവാൻ കൃഷ്ണൻ പറഞ്ഞു: "ശ്രദ്ധിച്ച് കേൾക്കുക. പാപം ഇല്ലാതാക്കുന്ന ഈ ഏകാദശി യുടെ പേര് അജ എന്നാണ്. ഈ ദിവസം മുഴുവനും ഉപവസിച്ച് ഹൃഷികേശനെ ഭജിക്കുന്നവർ എല്ലാ പാപങ്ങളിൽ നിന്നും മുക്തരാകും. ഇതിനെക്കുറിച്ച് കേൾക്കുന്നവന്റെ പാപങ്ങൾ പോലും ഇല്ലാതാകും. ഇതിനേക്കാൾ ശ്രേഷ്ഠമായ ഒരു ദിവസം ഭൂമിയിലും സ്വർഗ്ഗത്തിലും ഇല്ല. സംശയമില്ല, ഇത് സത്യമാണ്.

പണ്ട് ഹരിശ്ചന്ദ്രൻ എന്ന സത്യവാനായ ഒരു മഹാരാജാവ് ഉണ്ടായിരുന്നു. അദ്ദേഹത്തിന്റെ ഭാര്യയായിരുന്നു ചന്ദ്രമതി. മകൻ ലോഹിതാശ്വൻ. വിധി യുടെ ശക്തിയാൽ ഒരിക്കലദ്ദേഹ ത്തിന് രാജ്യവും ഭാര്യയും മകനും നഷ്ടപ്പെട്ടു. കൂടാതെ ചണ്ഡാലന്റെ അടിമയും, ശ്മശാനത്തിലെ ജോലിക്കാരനും ആകേണ്ടി വന്നു. അങ്ങനെ കഷ്ടതകൾ അനുഭവിക്കുന്ന സമയത്തുപോലും അദ്ദേഹം സത്യനിഷ്ഠ വെടിഞ്ഞില്ല. ഇത്തരത്തിൽ പല വർഷ ങ്ങൾ കഷ്ടതകൾ അനുഭവിച്ചു ജീവിച്ചു അദ്ദേഹം.

ഒരു ദിവസം ഹരിശ്ചന്ദ്രൻ ഗൗതമമുനിയെ ദർശിക്കാനിടയായി. ഗൗതമമുനിയോട് രാജാവ് തന്റെ ദാരുണമായ അവസ്ഥ വിവരിച്ചു. ഗൗതമമുനിക്ക് അദ്ദേ ഹത്തോട് കരുണ തോന്നി. മുനി അദ്ദേഹത്തോട് പറഞ്ഞു.