രണ്ടാം വട്ടവും കണ്ണൻ വിളിച്ചു

രണ്ടാമത് പ്രാവശ്യവും ഗുരുവായൂർ മേൽശാന്തിയായി തെരഞ്ഞെടുക്കപ്പെട്ട പി.എസ്. മധുസൂദനൻ നമ്പൂതിരി

- പി. ജയചന്ദ്രൻ

മലപ്പുറം ജില്ലയിൽ പൊന്നാനി താലൂക്കിൽ എട പ്പാളിനടുത്തുള്ള ശുകപുരവും തൃശൂർ ജില്ലയിൽ ചേർപ്പ് ഗ്രാമപഞ്ചായത്തിൽപ്പെട്ട പെരുവനവും പരശുരാമനാൽ സൃഷ്ടിക്കപ്പെട്ട രണ്ട് ഗ്രാമങ്ങളാണ്. അഗ്നിഹോത്രവും ഭട്ടവൃത്തിയുമുള്ള രണ്ട് ബ്രാഹ്മണ വാസസ്ഥലങ്ങൾ. ഈ രണ്ട് ഗ്രാമങ്ങൾക്കും ഗുരുവായൂർ അമ്പലവുമായി അഭേദ്യമായ ഒരു ബന്ധമുണ്ട്. ഗുരുവായൂരപ്പന് പൂജ കഴിക്കുവാനുള്ള അവകാശം ഈ ഗ്രാമങ്ങളിൽ ജനിച്ച, ഉത്തമമായി കരുതപ്പെടുന്ന നമ്പൂതിരി ഇല്ലങ്ങളിലെ മുപ്പതിനും അറുപതിനും ഇടയ്ക്ക് പ്രായമുള്ളവർക്ക് മാത്രമായിട്ടാണ് തീരുമാനിച്ചിട്ടുള്ളത്. അവർക്ക് മാത്രമേ അപേക്ഷിക്കുവാൻ പോലും കഴിയൂ.