ദുരിതനിവാരണമാ നാരായണീയ പാരായണം -കേശവൻ നമ്പൂതിരി

കഴിഞ്ഞ ഇരുപത് വർഷക്കാലമായി കൃഷ്ണഗാഥ പാടി നടക്കുന്ന ശ്രീകൃഷ്ണഭക്തനാണ് കേശവൻ നമ്പൂതിരി. കേശവൻ നമ്പൂതിരിയോടൊപ്പം ഭാര്യ രേണുക അന്തർജ്ജനവും ഭക്തിയാത്രയിൽ ഒത്തുചേരുന്നു. നാരായണീയമാണ് സപ്താഹമായി വായിച്ച് കഥ പറയുന്നത്. ‘നാരായണീയമെന്നാൽ സാക്ഷാൽ ഗുരുവായൂരപ്പനാണ്.' കേശവൻ നമ്പൂതിരി നാരായണീയത്തിന്റെ മഹത്വം ഭക്തർക്ക് പറഞ്ഞുനൽകുകയാണ്.

- നാരായണൻ പോറ്റി

ഭക്തനെ ഭഗവാനിലേയ്ക്ക് അടുപ്പിക്കുന്ന പ്രവാഹമാണ് ഭക്തി. മറ്റനവധി ദ്രവ്യരൂപങ്ങളെക്കാളും ഭഗവാൻ ഇഷ്ടപ്പെടുന്നതും യഥാർത്ഥ ഭക്തി തന്നെയാണ്. ഭക്തദാസനായിട്ടാണ് ഭഗവാൻ എപ്പോഴും നിലകൊള്ളുന്നതും. ഭക്തിയുടെ സുഖവും ആനന്ദലബ്ധിയും തിരിച്ചറിയാൻ ഭക്തർ ഭക്തസംഘത്തോട് ചേരണം. മനുഷ്യജന്മത്തിലെ ദുരിതങ്ങൾക്ക് പരിഹാരം ഭഗവദ്ഭക്തി ഒന്നുമാത്രമാണ്.

ഹരിയെ ശരണം പ്രാപിച്ചാൽ സകലദുരിതങ്ങൾക്കും ശമനം ലഭിക്കും. “ഹരി ശരണാർത്ഥി' എന്ന പേരിൽ അറിയപ്പെടുന്ന പെരിങ്ങര കേശവൻ നമ്പൂതിരിയുടെ നാരായണീയ സപ്താഹസദസ്സിൽ ഭഗവത് ഭക്തിയെ ക്കുറിച്ച് ഭക്തർക്ക് പറഞ്ഞുനൽകുകയാണ്. പെട്ടെന്ന് മൈക്ക് നിലച്ചു. കറണ്ട് പോയി. എന്നാൽ സദസ്സ് തികച്ചും നിശ്ശബ്ദമാണ്. ആചാര്യന്റെ ഭക്തിപ്രഭാ ഷണം മാത്രം അന്തരീക്ഷത്തിൽ നിറഞ്ഞുനിൽക്കുന്നു. അപൂർവ്വമായി മാത്രം കാണാനാവുന്ന പ്രഭാഷണ സദസ്സ്.