ഹരിവരാസനവും ദേവവാഹനവും

ശബരിമല ക്ഷേത്രത്തിൽ അത്താഴപൂജ കഴിഞ്ഞ് തിരുനട അടയ്ക്കുന്നതിന് മുമ്പായി ഭക്തർ ആലപിക്കുന്ന ദിവ്യകീർത്തനമാണ് ഹരിവരാസനം

- കെ.ആർ. ബാംഗ്ലൂർ

ശബരിമല ക്ഷേത്രത്തിൽ അത്താഴപൂജ കഴിഞ്ഞ് തിരുനട അടയ്ക്കുന്നതിന് മുമ്പായി ഭക്തർ ആലപിക്കുന്ന ദിവ്യകീർത്തനമാണ് ഹരിവരാസനം. ഹരിഹര സുതാമഷ്ടകം, ഹരിഹരാത്മജാഷ്ടകം എന്നീ പേരുകളിലും ഈ ഗീതകം അറിയപ്പെടുന്നു. ഹരിവരാസനം ആലപിക്കുന്ന സന്ദർഭത്തിൽ ഭക്തരോടൊപ്പം ദേവതമാരും അയ്യപ്പഭഗവാനെ സ്തുതിക്കുന്നുവെന്നാണ് സങ്കൽപ്പം. കീർത്തനാലാപനത്തിന്റെ ഭക്തി നിർഭരമായ അന്തരീക്ഷത്തിൽ ഭഗവാൻ സുഖനിദ്ര പൂകുന്നുവെന്നാണ് വിശ്വാസം.