“புண்ணியர் எண்ணிலர் போற்றுவர் தையலையே...”

முதல் சாதித்த புண்ணியர் எண்ணி முலர் போற்றுவர்” என்ற பொருளில் “சாதித்த” என்ற சொல் பதினாறு என்ற எண்ணை கொண்ட ஷோடசி ஜெபத்தால் சித்தி பெற்றவர் களைக் குறிக்கிறது.

- 

ஸ்ரீவித்யா உபாசனையில் ஒரே தெய்வத்திற்கு பதினாறு மந்திரங்கள் உள்ளன. இதை தற்கால முறைப்படி குறிப்பிட வேண்டும். என்றால் ஒருவருக்கு பதினாறு அடையாள அட்டை இருப்பதுபோல நடைமுறையில் சாத்தியமற்ற ஒன்று. மேலும் பொய் என்றும் குறிப்பிடலாம். ஆனாலும் இந்தப் பதினாறும் சரி என்கிறார், பட்டர்.

பதினாறு பேரும் பதினாறு அடையாள அட்டை என்றாலும் அவை ஒவ்வொன்றும் வெவ்வேறு பரிணாமங்களை கொண்டது. ஒன்றில் உள்ள அடையாளம் வேறொன்றில்லை.

இந்த அடையாள அட்டையை கொண்டு அவற்றை பரிசோதித்தால் மிகச்சரியாக உமையம்மையோடு பொருந்தும்.

ஆகையால் தான் அது ஏற்கத் தக்கதாக இருக்கிறது உண்மை யானதாக இருக்கிறது.

இந்த பாடலில் குறிப்பிட்ட அனைவருமே உமையம்மையை மெய்யாகவே அடையாளம் கண்டு அவள் அருளை அனுபவித்து தான் பெற்றதோடு மட்டுமல்லாமல், பிறர் பெறுவதற்கும் மிகச் சரியாக வழிவகை செய்த ரிஷிகள், குருமார்கள், தேவதைகள், முதலானவை பொய் இல்லாதது.

இந்தப் பாடலில் சொல்லப்பட்ட ரிஷிகள் சொன்ன வழியை பின்பற்றி உமையம்மையின் அருளைப் பெற்றவர்கள் பல கோடி பேர்கள். இவர்கள் உமையம்மையின் அருளால் கண்டறிந்த மந்திரங்களை குறிப்பிடுகிறார்கள்.

ஒவ்வொரு மந்திரமும் வித்யா என்ற கலை சொல்லால் குறிப்பிடப்பட்டுள்ளது.

மூல வித்யா, லோபமுத்ரா வித்யா, க்ரோத வித்யா, மனு வித்யா, சந்திர வித்யா, குபேர வித்யா, அகஸ்திய வித்யா, நந்தி வித்யா, சூரிய வித்யா, சண்முக வித்யா, பரமசிவ வித்யா, விஷ்ணு வித்யா என்று பல வகைப்படும். வித்யா என்பது உமையம்மையின் அருளைப் பெற்றவர்களின் சிறப்பு அடையாளம். உதாரணமாய் தற்காலத்தில் டாக்டர் பட்டம் பெறுவதை போல என உணர வேண்டும். முன்பு இல்லாத ஒன்றை புதிதாக கண்டு அறிந்த விஞ்ஞானியை ஒத்தவர்கள்.

அபிராமி பட்டர் அந்த பதினாறு பேறைப்பற்றி, அவர்கள் கண்டு அறிந்த மந்திரங்களுக்கு உரிய உருவங்களையும் அதை வழிபடும் முறையையும் அதற் குரிய ஆற்றல் பற்றியும் மிகத் தெளிவாக அந்தாதி முழுவதுமாய் குறிப்பிடுகிறார்.