ஏர் இந்தியா விமான விபத்து: போயிங்மீது வழக்கு

அகமதாபாத்: இவ்வாண்டு ஜூன் 12ஆம் தேதி நேர்ந்த ஏர் இந்தியா விமான விபத்தில் மாண்டோரில் நால்வரின் குடும்பத்தினர் போயிங், ஹனிவெல் நிறுவனங்கள்மீது அமெரிக்காவின் டெலவேர் நீதிமன்றத்தில் வழக்கு தொடுத்துள்ளனர்.

- 

பழுதான எரிபொருள் விசைகளால்தான் Al171 விமானம் விபத்திற்குள்ளானது என்பது அவர்களின் குற்றச்சாட்டு.

குஜராத் மாநிலம், அகமதாபாத் நகரிலிருந்து லண்டன் நகருக்குக் கிளம்பிய ஏர் இந்தியா போயிங் 787 விமானம், சில நொடிகளிலேயே விழுந்து நொறுங்கி தீப்பிடித்தது. அவ்விபத்தில் விமானப் பயணிகள் 229 பேர், விமான ஊழியர்கள் 12 பேர், தரையிலிருந்த 19 பேர் என மொத்தம் 260 பேர் கொல்லப்பட்டனர்; விமானத்திலிருந்த ஒருவர் மட்டும் உயிர் பிழைத்தார்.