ગુજરાત પહોંચે એ પહેલાં ચોમાસું હાંફી ગયું: જૂનના પહેલા ૧૫ દિવસ માત્ર હળવા વરસાદની આગાહી

૨૨ જૂને ભારેથી અતિભારે વરસાદ, ૨૩-૨૪ અને ૨૭થી 30 જૂન દરમિયાન ભારે ગાજવીજ સાથે વરસાદ થવાની ચેતવણી જારી

- 

જેની ઘણા લાંબા સમયથી ગુજરાતવાસીઓ પ્રતીક્ષા કરી રહ્યા છે તે ચોમાસું ગુજરાત પહોંચે તે પહેલાં જ જાણે હાંફી ગયું હોય તેવું લાગી રહ્યું છે. મહારાષ્ટ્રના મુંબઈ સુધી ચોમાસું પહોંચ્યા પછી જાણે બ્રેક વાગી ગઈ હોય તેવી સ્થિતિ સર્જાઈ છે. હવામાન વિભાગે રાજ્યમાં હાલ ભારે વરસાદની કોઈ આગાહી કરી નથી. ચોમાસું કેરળથી આગળ વધીને ગોવા અને મહારાષ્ટ્ર તથા ગુજરાતની નજીક મુંબઈ સુધી પહોંચી ગયું હતું. આ પછી એવું માનવામાં આવી રહ્યું હતું કે સામાન્ય વર્ષ કરતાં આ વખતે ચોમાસાનું વહેલું આગમન થશે, પરંતુ એવું થયું નથી અને ચોમાસાની સિસ્ટમ મુંબઈ સુધી પહોંચ્યા પછી નબળી પડી ગઈ છે, જેના કારણે ગુજરાત સુધી ચોમાસાને પહોંચવામાં વિલંબ થઈ શકે છે.