સ્ક્રિપ્ટમાં તો દમ હતો પણ પ્રોડ્યૂસરના ઈરાદા ખરાબ હતા.અલંકૃતાએ પંજાબી ફિલ્મ છોડવા પાછળનું કારણ જણાવ્યું

‘મિસ ઈન્ડિયા' બન્યા બાદ પણ સ્ટ્રગલ કરી

- 

૨૦૧૪મા ‘ મિસ ઈન્ડિયા અર્થ'નો ખિતાબ જીતી ચૂકેલી મોડલઅભિનેત્રી અલંકૃતા સહાય પોતાના બિનધાસ્તપણા માટે જાણીતી છે. તાજેતરમાં આપેલા એક ઈન્ટરવ્યૂમાં તેણે ખુલાસો કર્યો કે કેવી રીતે એક પંજાબી ફિલ્મના શૂટિંગ દરમિયાન પ્રોડ્યૂસરના વિચિત્ર વ્યવહારે તેને અસહજ બનાવી દીધી, જેના કારણે અલંકૃતાને એ ફિલ્મ છોડી દેવી પડી હતી.

અલંકૃતાએ બોલીવૂડમાં ફિલ્મ ‘લવ પર સ્ક્વેર ફિટ’થી ડેબ્યૂ કર્યું હતું, જેમાં તે વિકી કૌશલ સાથે નજરે પડી હતી. અલંકૃતાએ કહ્યું, ‘બાળપણમાં પર્ફોર્મિંગ આર્ટ્સનો બહુ જ શોખ હતો. હું ડાન્સ, ડિબેટ, નાટક-દરેક ચીજમાં ભાગ લેતી હતી. મારાં ટીચર અને પેરન્ટ્સે હંમેશાં મને સપોર્ટ કર્યો, પરંતુ એ સમયે વિચાર્યું પણ નહોતું કે એક્ટિંગ મારી કરિયર બનશે. મારું સપનું તો IAS બનવાનું હતું, પરંતુ નસીબને કંઈક અલગ જ મંજૂર હતું.'