“ஐயோ... காப்பாத்துங்க...” வேனில் கடத்தப்பட்டவரை துணிச்சலுடன் காப்பாற்றிய சப்-இன்ஸ்பெக்டர்! சென்னையில் சம்பவம்; 5 பேர் கைது!!

வேனில் கடத்தப்பட்டு “ஐயோ. . . என்னை காப்பாத்துங்க. . . ” என அலறியவரை சிக்னலில் பணியில் இருந்த போக்குவரத்து போலீஸ் சப்-இன்ஸ்பெக்டர் துணிச்சலுடன் பாய்ந்து சென்று காப்பாற்றினார்.சென்னையில் நடந்த இச்சம்பவம் பற்றிய விவரம் வருமாறு:-

- 

சென்னையில் இ.சி.ஆர். சாலையில் (கிழக்கு கடற்கரை சாலை) நேற்று இரவு 7.30 மணியளவில் அக்கரை என்ற இடத்தில் போக்குவரத்து சிக்னல் அருகே ஒரு வேன் அதிவேகமாக வந்து கொண்டிருந்தது.

அந்த வேனில் இருந்த ஒரு நபர் உள்ளே இருந்தபடி வெளியே கையை அசைத்து “ஐயோ... என்னை காப்பாத்துங்க...” என அலறியபடி கூச்சலிட்டுக் கொண்டே வந்தார். அப்போது அவரை வேனில் இருந்த சிலர் கையை ஆட்டவிடாமல் அழுத்தி உள்ளே இழுத்தனர்.

இச்சம்பவத்தை அக்கரை சிக்னலில் பணியில் இருந்த போக்குவரத்து போலீஸ் சப்-இன்ஸ்பெக்டர் தர்மலிங்கம் பார்த்துவிட்டார். உடனே சிக்னல் என்றும் பாராமல் பாய்ந்து சென்ற அவர் அந்த வேனை தடுத்து நிறுத்தினார். பின்னர் வேனின் கதவைத் திறந்து உள்ளே கூச்சலிட்ட நபரை வெளியே இழுத்து காப்பாற்றினார்.