பள்ளி வேன் மீது ரெயில் மோதி 3 மாணவர்கள் சாவு!

* அக்காள் - தம்பியும் பலியான உருக்கமான சம்பவம்| 6 பேர் காயம்; வேன் அப்பளமாக நொறுங்கியது!!

- 

பள்ளி வேன் மீதுரெயில் மோதிய விபத்தில் 3 மாணவர்கள் பரிதாபமாக உயிரிழந்தனர். 6 பேர் காயம் அடைந்தனர். விபத்தில் சிக்கிய வேன் அப்பளமாக நொறுங்கியது. இக்கோர விபத்தில் ஒரே குடும்பத்தை சேர்ந்த அக்காள், தம்பியும் பலியாகினர்.

கடலூர் அருகே இன்று காலை நடந்த இந்த பயங்கரவிபத்து பற்றிய விவரம் வருமாறு:-

கடலூரில் கிருஷ்ணசாமி என்ற சி.பி.எஸ்.சி.தனியார் பள்ளி உள்ளது. இந்தப் பள்ளியில் படிக்கும் மாணவர்கள் கடலூர் மற்றும் அதைச் சுற்றியுள்ள கிராமங்களிலிருந்து வேன் மூலம் அழைத்து வரப்படுகின்றனர்.

இந்நிலையில் இன்று காலை வழக்கம் போல் அந்த பள்ளியின் வேன் ஒன்று கடலூர் பழைய நகரை அடுத்துள்ள ஆலப்பாக்கம் பகுதியில் உள்ள கிராமங்களில் இருந்து மாணவர்களை ஏற்றிக்கொண்டு புறப்பட்டுவந்தது.

இந்தவேன் இன்று காலை 7.45 மணியளவில் கடலூர் அருகே உள்ள செம்மங்குப்பம் என்ற இடத்தில்வந்தது. அப்போது அங்கு ரோட்டின் குறுக்கே உள்ள ரெயில்வேகேட் மூடப்படாமல் திறந்த நிலையில் இருந்தது. எனவே வேன் டிரைவர் சங்கர் அந்த ரெயில்வே கேட்டை வேகமாக கடந்து சென்றார்.

அப்போது எதிர்பாராதவிதமாக அந்த வழியாக விழுப்புரத்தில் இருந்து மயிலாடுதுறை சென்ற பாசஞ்சர் ரெயில் கண்ணிமைக்கும் நேரத்தில் அந்த வேன் மீது அதிபயங்கரமாக மோதியது.

பின்னர் மோதிய வேகத்தில் அந்த வேனை ரெயில் தண்டவாளத்தில் சுமார் 50 மீட்டர்தூரம் இழுத்துச்சென்றது. இதில் வேனில் இருந்த மாணவ-மாணவிகள் தூக்கி வீசப்பட்டனர்.