கோவை மேயர் பங்களாவிற்கு வெடிகுண்டு மிரட்டல்!

கோவை, மாநகர போலீஸ் கமிஷனர் அலுவ லக வளாகத்தில் போலீஸ் கட்டுப்பாட்டு அறையில் உள்ளது. இங்கு கோவை மாநகர பகுதியில் நடைபெறும் குற்ற சம்பவங்கள் உள்ளிட்ட பல்வேறு புகார்கள் குறித்து அவசர போலீஸ் எண் 100ஐ பயன்படுத்தி பொதுமக்கள் புகார் அளித்தால் அதன் மீது போலீசார் நடவடிக்கை எடுப்பார்கள்.

- 

இந்நிலையில் நேற்று இரவு காவல் கட்டுப்பாட்டு அறையில் போலீசார் பணியில் இருந்தார்கள். அப் போது நேற்று இரவு 9.15 மணிக்கு காவல் கட்டுப் பாட்டு அறைக்கு செல்போனில் இருந்து ஒரு அழைப்பு வந்தது.

அதில் ஒரு ஆண் பேசினார். அப்போது அவர் கோவை ஆர்.எஸ். புரத்தில் உள்ள மாநகராட்சி மேயர் பங்களாவில் வெடிகுண்டு வைக்கப்பட்டு உள்ளது என்றும் அது இரவு 10 மணிக்கு வெடிக்கும் என்றும் கூறினார்.

அதன் பிறகு உடனே செல்போனை அணைத்து விட்டார்.

இதனால் போலீசார் அதிர்ச்சி அடைந்தனர். உடனே மேயர் பங்களா உள்ள பகுதி போலீஸ் ஸ்டேஷனுக்கு தகவல்தெரிவித்து, போலீசாரை உஷார் படுத்தினர். உடனே சட்டம் ஒழுங்கு போலீசார் மற்றும் வெடிகுண்டு தடுப்பு பிரிவு போலீசார் மேயர் பங்களாவிற்கு சென்று சோதனை நடத்தினர்.

அங்கு வெடிகுண்டு கருவி மூலம் சோதனை நடத்தப்பட்டது.