பாகிஸ்தான் சிம்லா ஒப்பந்தத்தை ரத்து செய்ததன் பின்னணி என்ன?

அமைதி பேச்சுவார்த்தை இனி கிடையாது !

- 

காஷ்மீரில் பஹல்காமில் நடந்த பயங்கரவாத தாக்குதலைத் தொடர்ந்து சிந்து நதிநீர் ஒப்பந்தத்தை தற்காலிகமாக நிறுத்தி வைப்பதாக இந்தியா அறிவித்தது.

இதற்குப் பதிலடிகொடுப்பதாக நினைத்து இரு நாடுகள் இடையே 1972ம் ஆண்டு உருவாக்கப்பட்ட சிம்லா ஒப்பந்தத்தை பாகிஸ்தான் ரத்து செய்துள்ளது.

இந்தியா - பாகிஸ்தான் இடையே போர் பதற்றத்தை தணிக்கும் முக்கிய அம்சமாக சிம்லா ஒப்பந்தம் கருதப்படுகிறதா. இந்நிலையில் இந்த ஒப்பந்தத்தை ரத்து செய்ததன் மூலம் பாகிஸ்தான் இந்தியா உடன் போருக்கு தயாராகி விட்டதாக பாதுகாப்புத்துறை வல்லுநர்கள் கருதுகின்றனர். வாகா எல்லையுடன் சேர்த்து சிம்லா ஒப்பந்தத்தை ரத்து செய்ததன் மூலம் அமைதி பேச்சுவார்த்தை மூலம் பிரச்சினைகளுக்கு தீர்வு காணும் வழியையும் பாகிஸ்தான் அடைந்துள்ளது.

ஜம்மு காஷ்மீரில் அப்பாவி சுற்றுலா பயணிகள் 26 பேர் முகமூடி அணிந்து வந்த பயங்கரவாதிகளால் சுட்டுக் கொல்லப்பட்டனர். இந்த பயங்கரவாத தாக்குதலின் பின்னணியில் பாகிஸ்தான் இருப்பதாக இந்தியா சந்தேகிக்கிறது. இந்த தாக்குதலுக்கு பாகிஸ்தான் ஆதரவு பெற்ற லஷ்கர்இதொய்பா அமைப்பின் துணை அமைப்பான தி ரெசிஸ்டன்ஸ் ப்ராண்ட் அமைப்பு பொறுப்பேற்றுள்ளது. இந்த பயங்கரவாத தாக்குதலுக்கு இந்தியா மட்டுமின்றி உலக நாடுகளும் கண்டனம் தெரிவித்துள்ளன. இதையடுத்து பிரதமர் மோடி தலைமையில் பாதுகாப்பு அமைச்சரவை குழு கூடி 5 முக்கிய முடிவுகளை அறிவித்தது. அதன்படி, இந்தியா பாகிஸ்தான் இடையே கடந்த 1960 ஆண்டு செய்து கொண்ட சிந்து நதிநீர் ஒப்பந்தத்தை தற்காலிகமாக நிறுத்தி வைப்பதாக மத்திய அரசு அறிவித்தது. மேலும் பஞ்சாப் மாநிலம் அட்டாரி கிராமத்தில் உள்ள ஒருங்கிணைந்த சோதனைச் சாவடியை உடனடியாக மூடப்பட்டது.