தமிழீழ இனப்படுகொலைக்கு மே 18-ல் நினைவு அஞ்சலி!

வைகோ அழைப்பு!!

- 

தமிழீழ இனப்படுகொலைக்கு மே 18-ல் நினைவு அஞ்சலி செலுத்தப்படுவதால் தமிழ்இனமக்கள் அனைவரும் பங்கேற்க வேண்டும் என்று ம.தி.மு.க. பொதுச் செயலாளர் வைகோ எம்.பி. அழைப்பு விடுத்துள்ளார்.

இது தொடர்பாக அவர் வெளியிட்ட அறிக்கையில் கூறியிருப்பதாவது:- உலக வரலாற்றில், உலகின் பல இடங்களில் நடைபெற்ற இனப்படுகொலைகளில் 2009 ஆம் ஆண்டில் இலங்கைத் தீவில் சிங்கள பேரினவாத அரசு உலக வல்லரசு நாடுகளிடம் சக்தி வாய்ந்த ஆயுதங்களை வாங்கிக் கொண்டு முப்படைகளையும் ஏவி கோரமான தமிழீழ இனப்படுகொலை நடத்தியது. அதில் தமிழர்களுக்கும், தமிழ்ப்பெண்களுக்கும் இழைக்கப்பட்ட கொடுமைகளை நினைக்கும்போதே நமது நெஞ்சம் இரத்தக்கண்ணீர் வடிக்கிறது.