வாழப்பாடி அருகே நடந்த விவசாயி கொலை வழக்கில் சகோதரியின் கணவர் நண்பருடன் கைது!

சேலம் மாவட்டம் வாழப்பாடி அருகே, 4 மாதங்களுக்கு முன் மாயமான விவசாயியை அவரது சகோதரியின் கணவரே தனது நண்பருடன் சேர்ந்து கொலைசெய்தது, 4 மாதங்களுக்கு பிறகு தற்போது தெரியவந்துள்ளது. இருவரையும் வாழப்பாடி போலீஸார் கைது செய்தனர்.

- 

சேலம் மாவட்டம் வாழப்பாடி அடுத்த அத்தனூர்பட்டி புதூர் கிராமத்தைச் சேர்ந்தவர் விவசாயி முனியன் (46). இவருக்கு செல்வி (37) என்ற மனைவியும் இரு மகன்களும் உள்ளனர். கடந்த பிப்ரவரி 15ஆம் தேதி வீட்டில் இருந்து இரு சக்கர வாகனத்தில் வெளியே சென்று வருவதாக கூறி சென்ற விவசாயி முனியன் வீடு திரும்பவில்லை. உறவினர்கள், நண்பர்களிடம் விசாரித்தும் அவர் எங்கு சென்றார்? என்ன ஆனார்? என்பது குறித்து தகவல் கிடைக்கவில்லை. இதனால், இவரது மனைவி, மகன்கள் சோகத்தில் மூழ்கினர். இந்நிலையில், காணாமல் போன தனது கணவரை கண்டுபிடித்து கொடுக்குமாறு இவரது மனைவி செல்வி வாழப்பாடி காவல் நிலையத்தில் புகார் அளித்தார். இவரது புகாரின் பேரில் மேன் மிஸ்சிங் வழக்கு பதிவு செய்து வாழப்பாடி போலீஸார் விசாரணை நடத்தி வந்தனர்.