மோந்தா புயல் காரணமாக சென்னை உள்பட வட கடலோர மாவட்டங்களில் தொடர் மழை!

எண்ணூரில் அதிகபட்சம் 12 செ.மீ. பதிவு!!

- 

மோந்தா புயல் காரணமாக சென்னை உள்பட வட கடலோர மாவட்டங்களில் நேற்று மாலை முதலே தொடர் மழை பெய்து வருகிறது. எண்ணூரில் அதிகபட்சமாக 12 செ.மீ. மழை பதிவாகியுள்ளது.

வடகிழக்கு பருவமழை காலத்தில்தான் தமிழ்நாட்டிற்கு அதிக நன்மை கிடைக்கும். இந்த ஆண்டு அக்டோபர் 16-ஆம் தேதி இந்த பருவ மழை தொடங்கியது.

அதற்கு முன்பிருந்தே காற்றின் சுழற்சி காரணமாக தமிழகத்தில் மழை பெய்தது. இதனால் அக்டோபர் 1 முதல் இப்போது வரையிலான காலத்தில் சராசரியை விட கூடுதலாக மழை பெய்திருப்பதாக வானிலை இலாகா தெரிவித்திருந்தது.