சித்ரா பௌர்ணமியை முன்னிட்டு மேற்கொள்ள வேண்டிய முன்னேற்பாடு பணி குறித்து ஆய்வு கூட்டம்

திருவண்ணாமலை மாவட்ட ஆட்சித்தலைவர் தலைமையில் சித்ரா பௌர்ணமியை முன்னிட்டு மேற்கொள்ளப்பட வேண்டிய முன்னேற்பாடு பணிகள் குறித்து ஆய்வு கூட்டம் நடைபெற்றது.

- 

திருவண்ணாமலை மாவட்ட ஆட்சித்தலைவர் தர்ப்பகராஜ் தலைமையில் மாவட்ட ஆட்சியர் அலுவலக கூட்டரங்கில் அருணாச்சலேசுவரர் கோயில் சித்ரா பௌர்ணமியை முன்னிட்டு மேற்கொள்ளப்பட வேண்டிய முன்னேற்பாடு பணிகள் குறித்து ஆய்வுக்கூட்டம் நடைபெற்றது.

திருவண்ணாமலை அருணாசலேசுவரர் கோவிலுக்கு ஒவ்வொரு வருடமும் சித்ரா பௌர்ணமி தினத்தன்று பல்வேறு மாநிலங்கள் மற்றும் மாவட்டங்களிலிருந்தும் பக்தர்கள் வருகைபுரிந்து கிரிவலம் சென்று வழிபடுகின்றனர். சித்திரை மாதத்தில் வருகின்ற பௌர்ணமி மிகவும் விசேஷமாக அமைந்த்திருப்பதால் அன்றையதினம் பல இலட்சம் பக்தர்கள் வருகைபுரிந்து கிரிவலம் செல்கின்றனர். இந்த வருடமும் சித்ரா பெர்ணமி எதிர்வரும் 11.05.2025 அன்று இரவு 08.53 மணியளவில் தொடங்கி 12.05.2025 அன்று திங்கட்கிழமை இரவு 10.48 மணியளவில் நிறைவடைகின்றது. இந்த வருடமும் பல்வேறு நாடுகள், மாநிலங்கள் மற்றும் மாவட்டங்களில் இருந்து பொதுமக்கள் மற்றும் பக்தர்கள் பெருமளவில் வருவார்கள் என எதிர்பார்க்கப்படுகிறது. பக்தர்களுக்கு தேவையான அடிப்படை வசதிகளை மேற்கொள்ளும் பொருட்டு மாவட்ட நிர்வாகம் மற்றும் கோயில் நிர்வாகம் சார்பாக மேற்கொள்ள வேண்டிய பணிகள் குறித்து மாவட்ட ஆட்சித்தலைவர் தலைமையில் மாவட்ட ஆட்சியர் அலுவலக கூட்டரங்கில் நடைபெற்றதை தொடர்ந்து இரண்டாவது முறையாக ஆய்வுக்கூட்டம் நடைபெற்றது.

மேலும், பக்தர்கள் தொடர்ந்து சுவாமி தரிசனம் செய்ய ஏதுவாக ரூ.50க்கான சிறப்பு கட்டண சேவை வசதி இரத்து செய்யப்பட்டு கட்டணமில்லா தரிசன சேவை வசதி ஏற்பாடு செய்யப்பட்டுள்ளது. சித்ரா பௌர்ணமியை முன்னிட்டு பக்தர்கள் வழக்கம் போல் கிழக்கு ராஜ கோபுரத்தின் உள்ளே அனுமதிக்கப்பட்டு, தரிசனம் முடிந்து, தெற்கு திருமஞ்சன கோபுரம் வழியே வெளியே செல்ல ஏற்பாடு செய்யப்படும்.