உயர்நீதிமன்ற நீதிபதி பணியிடங்களுக்கான பரிந்துரை

உயர்நீதிமன்ற நீதிபதி பணியிடங்களுக்கு கடந்த 2022-ஆம் ஆண்டு நவம்பர் மாதம் முதல் உச்சநீதிமன்ற கொலீஜியம் அனுப்பிய பரிந்துரைகளில், 29 பெயர்களுக்கு ஒப்புதல் அளிக்காமல் மத்திய அரசு நிலுவை வைத்திருப்பது தெரியவந்துள்ளது.

- 

புது தில்லி, மே 6:

உச்சநீதிமன்றம் வெளியிட்ட இதுதொடர்பான புள்ளிவிவரங்கள் மூலம் இத் தகவல் தெரியவந்துள்ளது. உச்சநீதிமன்ற கொலீஜியத்தின் செயல்பாடுகளில் வெளிப்படைத்தன்மையை விரிவுபடுத்தும் வகையில், உயர்நீதிமன்ற நீதிபதி பணியிடங்களுக்கு பரிந்துரை செய்த பெயர் விவரங்கள், அவர்களுக்கும் பணியில் உள்ள அல்லது ஓய்வுபெற்ற நீதிபதிகளுக்கும் இடையே உள்ள உறவுமுறை, இந்தப் பரிந்துரைகளில் மத்திய அரசு ஒப்புதல் அளித்த எண்ணிக்கை உள்ளிட்ட விவரங்களை முதல் முறையாக உச்சநீதிமன்றம் வெளியிட்டுள்ளது.