தமிழகத்தில் மும்மொழிக் கொள்கையை அமல்படுத்தக் கோரி உச்சநீதிமன்றத்தில் வழக்கு

தமிழகம் உள்ளிட்ட மூன்று மாநிலங்களில் மும்மொழி பாடத் திட்ட கொள்கையை அமல்படுத்தக் கோரி தமிழகத்தைச் சேர்ந்த வழக்குரைஞர் ஜி.எஸ். மணி உச்சநீதிமன்றத்தில் வியாழக்கிழமை பொதுநல மனுவைத் தாக்கல் செய்துள்ளார்.

- நமது சிறப்பு நிருபர்

நமது சிறப்பு நிருபர் புது தில்லி, மார்ச் 6:

மத்திய அரசின் தேசிய கல்விக் கொள்கையின்படி மும்மொழிப் பாடத் திட்ட கொள்கையை ஏறக்குறைய அனைத்து மாநில அரசுகளும் ஏற்று அமல்படுத்தி வருகின்றன. ஆனால், தமிழகம், கேரளம், மேற்கு வங்கம் ஆகிய மாநிலங்கள் தொடர்ந்து மத்திய அரசின் தேசிய கல்விக் கொள்கையை ஏற்க மறுத்து வருகின்றன.

தமிழகம், கேரளம், மேற்கு வங்கம் ஆகிய மூன்று மாநிலங்களில் தேசிய கல்விக் கொள்கையை ஏற்று தமிழ், ஆங்கிலம், ஹிந்தி ஆகிய மூன்று மொழிகளை அமல்படுத்த உத்தரவிட வேண்டும் எனக் கோரி பாஜகவைச் சேர்ந்த வழக்குரைஞர் ஜி.எஸ்.மணி இந்தப் பொது நல மனுவைத் தாக்கல் செய்துள்ளார்.