திருவள்ளூர்: ரூ. 1.05 கோடியில் 95,000 மரக்கன்றுகள் வளர்க்கும் திட்டம்

பசுமை தமிழ்நாடு இயக்கம் சார்பில், திருவள்ளூர் மாவட்ட ஊரக வளர்ச்சி மற்றும் ஊராட்சித் துறை மூலம் ரூ. 1.05 கோடியில் 16 இடங்களில் நர்சரி பண்ணைகள் அமைத்து, 95,000 மரக்கன்றுகள் வளர்த்து பசுமையாக்கும் வகையில் பொது இடங்களில் வைப்பதற்கு வழங்கப்பட உள்ளதாக அதிகாரிகள் தெரிவித்தனர்.

- 

திருவள்ளூர், ஆக. 17:

தமிழகம் முழுவதும் ஒவ்வொரு மாவட்டத்திலும் பசுமைப் பரப்பளவினை அடுத்து வரும் 10 ஆண்டுகளில் 23.69 சதவீதத்திலிருந்து 33 சதவீதமாக அதிகரிக்கும் நோக்கமாகக் கொண்டு, கடந்த 2022-இல் பசுமை தமிழ்நாடு இயக்கம் தொடங்கப்பட்டது. இத்திட்டம் மூலம் திருவள்ளூர் மாவட்டத்தில் ஒவ்வொரு ஊராட்சி ஒன்றியங்களில் உள்ள ஊராட்சிகளில் நர்சரி பண்ணைகள் அமைத்து பல்வேறு வகையான மரக்கன்றுகள் வளர்த்து கிராமங்களில் பொது இடங்களில் வைக்க வழங்கப்பட்டு வருகிறது.