பேச்சு சுதந்திரத்தை மதத்துக்கு எதிராக பயன்படுத்தக் கூடாது

ஆந்திர துணை முதல்வர் பவன் கல்யாண்

- 

மதுரை, ஜூன் 22: அரசமைப்புச் சட்டம் வழங்கியுள்ள பேச்சு சுதந்திரத்தை ஹிந்து மதத்துக்கு எதிராக சிலர் தொடர்ந்து பயன்படுத்துவதை அனுமதிக்கக் கூடாது என்று ஆந்திர மாநில துணை முதல்வர் பவன் கல்யாண் தெரிவித்தார்.

மதுரையில் இந்து முன்னணி சார்பில் ஞாயிற்றுக்கிழமை நடைபெற்ற முருக பக்தர்கள் மாநாட்டில் சிறப்பு அழைப்பாளராகப் பங்கேற்ற அவர், மேலும் பேசியதாவது:

முருகப்பெருமான் அறத்தின் வடிவம். எல்லோரையும் சமமாக மதித்து, தீமையை அழித்து புரட்சி செய்தவர் அவர். உலகின் முதல் புரட்சியாளர் என்ற வகையில் முருகப்பெருமானே முதல் புரட்சித் தலைவர் ஆவார்.

முருக பக்தர்கள் மாநாட்டை ஏன் தமிழகத்தில் நடத்த வேண்டும்? குஜராத்தில் நடத்த வேண்டியது தானே? என ஒரு கட்சித் தலைவர் கேள்வி எழுப்பினார். இது, பிரிவினையைத் தூண்டும் ஆபத்தான சிந்தனை.