இந்தியா-பாகிஸ்தான் மோதலில் அரசை விமர்சித்து கைதான மாணவிக்கு ஜாமீன்

மகாராஷ்டிர அரசு மீது உயர்நீதிமன்றம் விமர்சனம்

- 

மும்பை, மே 27: சமீபத்திய இந்தியா-பாகிஸ்தான் மோதல் குறித்து அரசை விமர்சித்து சமூக ஊடகத்தில் பதிவிட்டதற்காக கைது செய்யப்பட்ட மகாராஷ்டிர மாநிலம், புணேயைச் சேர்ந்த 19 வயது கல்லூரி மாணவிக்கு மும்பை உயர்நீதிமன்றம் செவ்வாய்க்கிழமை ஜாமீன் வழங்கியது.

மேலும், சமூக ஊடக பதிவுகளுக்காக மாணவியைக் கடுமையான குற்றவாளி போல நடத்தி, தீவிரமான எதிர்வினையாற்றியதாக மகாராஷ்டிர அரசுக்கு நீதிபதிகள் கண்டனம் தெரிவித்தனர்.

ஆபரேஷன் சிந்தூர் நடவடிக்கையைத் தொடர்ந்து ஏற்பட்ட இந்தியா-பாகிஸ்தான் மோதலின் போது அரசை விமர்சித்து சமூக ஊடகத்தில் பதிவிட்டதற்காக மாணவி இந்த மாத தொடக்கத்தில் கைது செய்யப்பட்டார். உள்ளூர் நீதிமன்றம் அவரின் ஜாமீன் மனுவைத் தள்ளுபடி செய்த நிலையில், அவர் சிறையில் தொடர்ந்து அடைக்கப்பட்டிருந்தார்.