அரசு ஊழியர்களுக்கு ஆயுள் - விபத்துக் காப்பீடு

முதல்வர் முன்னிலையில் வங்கிகளுடன் ஒப்பந்தம்

- 

சென்னை, மே 19: அரசு ஊழியர்களுக்கு ஆயுள் மற்றும் விபத்துக்காப்பீட்டுச் சலுகைகளை வழங்க வங்கிகளுடன் புரிந்துணர்வு ஒப்பந்தம் மேற்கொள்ளப்பட்டுள்ளது.

சென்னை தலைமைச் செயலகத்தில் திங்கள்கிழமை நடைபெற்ற நிகழ்வின் போது, முதல்வர் மு.க.ஸ்டாலின் முன்னிலையில் இந்த ஒப்பந்தம் ஏற்படுத்தப்பட்டது.

இதுகுறித்து தமிழக அரசு சார்பில் வெளியிடப்பட்ட செய்திக் குறிப்பு:

அரசு ஊழியர்கள் ஆயுள் காப்பீடு மற்றும் தனிநபர் விபத்துக்காப்பீடு போன்றவற்றுக்கு பெரும் தொகையைச் செலவிழ்க்க வேண்டியுள்ளது.

இதைத் தவிர்த்து, காப்பீடுகளை கட்டணமின்றிப் பெறும் வகையில் நடவடிக்கை எடுக்கப்படும் என்று அரசு அறிவித்தது.

இதற்காக முன்னோடி வங்கிகளிடம் பேச்சுவார்த்தை நடத்தப்பட்டது.