ஆலங்குடி கோயிலில் குருப்பெயர்ச்சி விழா

திருவாரூர் மாவட்டம், வலங்கைமான் வட்டம் ஆலங்குடி ஆபத்சகாயேஸ்வரர் கோயிலில் குருப்பெயர்ச்சி விழா விமரிசையாக ஞாயிற்றுக்கிழமை நடைபெற்றது.

- 

நீடாமங்கலம், மே 11: திருவாரூர் மாவட்டம், வலங்கைமான் வட்டம் ஆலங்குடி ஆபத்சகாயேஸ்வரர் கோயிலில் குருப்பெயர்ச்சி விழா விமரிசையாக ஞாயிற்றுக்கிழமை நடைபெற்றது.

பார்க்கடலை கடைந்தபோது உண்டான ஆலகால விஷத்தை உண்டு, தேவர்களை ஆபத்திலிருந்து காத்து இரட்சித்தமையால் இத்தலத்து இறைவனுக்கு ஆபத்சகாயேஸ்வரர் என்ற நாமம் ஏற்பட்டது. அம்பாள் ஏலவார்குழலி அம்மை. இக்கோயில் நவகிரக தலங்களில் குருபகவானுக்குரிய தலமாக விளங்குகிறது.

இங்கு ஆண்டுதோறும் குருபகவான் ஒரு ராசியிலிருந்து மற்றொரு ராசிக்கு பிரவேசம் செய்யும் நாளில் குருப்பெயர்ச்சி விழா சிறப்பாக நடைபெறுவது வழக்கம்.