பத்ம விருது பெற்ற ஸ்ரீஜேஷ், விஜயன்

இந்திய முன்னாள் ஹாக்கி வீரர் பி.ஆர்.ஸ்ரீஜேஷ், முன்னாள் இந்திய கால்பந்து வீரர் ஐ.எம்.விஜயன் உள்ளிட்ட விளையாட்டுத் துறையைச் சேர்ந்த 5 பேர் பத்ம விருதுகளை திங்கள்கிழமை பெற்றனர்.

- 

புது தில்லி, ஏப். 28:

இந்த ஆண்டு பத்ம விருதுகளுக்குத் தேர்வானோரின் பட்டியலை மத்திய அரசு கடந்த ஜனவரி 25-ஆம் தேதி வெளியிட்டது. அதில் விளையாட்டுத் துறையைச் சேர்ந்த 5 பேர் இடம்பிடித்தனர்.

இந்தநிலையில், தில்லியில் திங்கள்கிழமை மாலை குடியரசுத் தலைவர் மாளிகையில் நடைபெற்ற நிகழ்ச்சியில், இதர விருதாளர்களுடன் அவர்களுக்கும் பத்ம விருதுகளை வழங்கி குடியரசுத்தலைவர் திரௌபதி முர்மு கௌரவித்தார்.